ଶିବମୋଗା : କର୍ଣ୍ଣାଟକର ଶିବମୋଗା ଜିଲ୍ଲାର ଏକ ଖଣି ନିକଟରେ ଏକ ଟ୍ରକରେ ବିସ୍ଫୋରଣ ଘଟିଛି, ଯେଉଁଥିରେ ଅନେକ ଲୋକଙ୍କର ମୃତ୍ୟୁ ହୋଇଥିବାର ଆଶଙ୍କା ରହିଛି । ଜଣେ ପୋଲିସ କର୍ମଚାରୀ ନିଶ୍ଚିତ କରିଛନ୍ତି ଯେ, ଏହି ଟ୍ରକରେ ବହୁ ପରିମାଣର ଜେଲାଟିନ୍ ବାଡି ରଖାଯାଇଥିଲା ।
ପୋଲିସ୍ କହିଛି, ଘଟଣା ସ୍ଥଳରେ କେତେ ଲୋକଙ୍କର ମୃତ୍ୟୁ ଘଟିଛି ତାହା ଆମେ ଜାଣିପାରୁ ନାହୁଁ । କାରଣ ବିସ୍ଫୋରଣର ଦୁର୍ଗନ୍ଧ ହେତୁ ସେଠାରେ ପହଞ୍ଚିବା ଏବେ କଷ୍ଟକର ହେଉଛି ।
ତେବେ ଟ୍ରକରେ ଶ୍ରମିକଙ୍କ ପରି ବହୁ ସଂଖ୍ୟକ ଜେଲାଟିନ୍ ବାଡି ମଧ୍ୟ ରହିଥିଲା । ସେଠାକାର ଗଣମାଧ୍ୟମ ଅନୁସାରେ ଏହି ଦୁର୍ଘଟଣାରେ ଅତି କମରେ ୮ ଜଣଙ୍କର ମୃତ୍ୟୁ ହୋଇଛି । ଶିବମୋଗା ଜିଲ୍ଲାର ଜିଲ୍ଲା ଡେପୁଟି କମିଶନର କେ.ବି ଶିବକୁମାର କହିଛନ୍ତି, ସମଗ୍ର ଅଞ୍ଚଳକୁ ଅବରୋଧ କରାଯାଇଛି । ଆମେ ଚାହୁଁନାହୁଁ ଲୋକମାନେ ସେହି ସ୍ଥାନକୁ ଯାଆନ୍ତୁ କାରଣ ସେଠାରେ ବିସ୍ଫୋରକ ସାମଗ୍ରୀ ଆହୁରି ଅଛି କି ନାହିଁ ଠିକ ଭାବେ ଜାଣାପଡ଼ି ନାହିଁ।
