ଟିଟିଲାଗଡ, (ଗୌରବ ଦର୍ଜୀ) : ଜନସଂଖ୍ୟା ସମାଧାନ ଫାଉଣ୍ଡସନ ଓଡିଶା ପ୍ରଦେଶ, ବଲାଙ୍ଗିର ଜିଲ୍ଲା ଶାଖାର ସଭାପତି ଆଡଭୋକେଟ ଆଲୋକ ନାୟକଙ୍କ ସମେତ ଜିଲ୍ଲାର କର୍ୟ୍ୟକତ୍ତା ଓ ଓଡ଼ିଶା ପ୍ରଦେଶର ପଦାଧିକାରୀ ଏବଂ କାର୍ୟ୍ୟକାରିଣୀ ସଦସ୍ୟ ସଦସ୍ୟା ମାନେ ଟିଟିଲାଗଡ଼ ଉପଜିଲ୍ଲାପାଳ ସୋମେଶ ଉପାଧ୍ୟାୟଙ୍କ ଜରିଆରେ ଦେଶର ଭବିଷ୍ୟ ସୁରକ୍ଷା ପାଇଁ ଦାବୀପତ୍ର ପ୍ରଦାନ କରିଛନ୍ତି । ଭାରତରେ ପୃଥିବୀର ସ୍ଥଳଭାଗରୁ ୨.୪ % ଅଂଚଳ ରହିଥିବା ବେଳେ ପୃଥିବୀର ଜନସଂଖ୍ୟାର ୧୬.୭ % ଲୋକ କେବଳ ଭାରତରେ ରହୁଛନ୍ତି । ବର୍ତ୍ତମାନ ଦେଶରେ ୧୩୮ କୋଟି ନାଗରିକ ବାସ କରୁଥିବା ବେଳେ ବିଭିନ୍ନ ଅଂଚଳରେ ମୁକ୍ତ ବାୟୁ ମିଳିବା କଷ୍ଟକର ହେଲାଣି । ରାଜଧାନୀ ଦିଲ୍ଲୀର ବାସିନ୍ଦାମାନେ ବାୟୁ ପ୍ରଦୂଷଣରୁ ମୁକ୍ତି ପାଇଁ ମାନ୍ୟବର ସୁପ୍ରିମକୋର୍ଟରେ ଆଶ୍ରୟ ନେଲେଣି । ପାନୀୟ ଜଳ ସମେତ ଦୈନନ୍ଦିନ ବ୍ୟବହୃତ ପାଣିର ସମସ୍ୟା ଏକ ଜାତୀୟ ସମସ୍ୟା ଭାବରେ ଉଭା ହୋଇଛି । ବିସେ୍ସ୍ଫାରିତ ଜନସଂଖ୍ୟା ଯୋଗୁଁ ଜଙ୍ଗଲ ନଷ୍ଟ ହେବା ସାଙ୍ଗକୁ ପର୍ୟ୍ୟାବରଣ ନଷ୍ଟ ହେଉଛି । ଚାଷ ଜମିର ଅଭାବ ପରିଲକ୍ଷିତ ହେଲାଣି । ବେକାରୀ ସଂଖ୍ୟା ଆଶାତୀତ ଭାବେ ବୃଦ୍ଧି ପାଉଛି । କୁପୋଷଣ, ଖାଦ୍ୟାଭାବ, ଗମନାଗମନ ଅସୁବିଧା, ଶିକ୍ଷା ଓ ସ୍ଵାସ୍ଥ୍ୟ ସେବା ବିପର୍ୟ୍ୟସ୍ତ ହେଉଛି । ବେକାରୀ ସଂଖ୍ୟା ଆଶାତୀତ ଭାବ ବୃତି ପାଇଁ ୨୩.୬ ପ୍ରତିଶତରେ ପହଞ୍ଚିଲାଣି । ପ୍ରତ୍ୟେକ ମିନିଟରେ ଆମ ଆମଦେଶରେ ଜନସଂଖ୍ୟା ବୃଦ୍ଧି ହେବ ସହ ବେକାରୀ ସଂଖ୍ୟାର ସମସ୍ୟା ସୃଷ୍ଟି ହେଉଛନ୍ତି । ଯଦି ଏହି ହିସାବରେ ଆମ ଦେଶର ଜନ୍ମହାର ବୃଦ୍ଧି ପାଏ ତେବେ ଆସନ୍ତା ୨୦୪୦ ମସିହା ବେଳକୁ ଦେଶର ଜନସଂଖ୍ୟା ୨ ଶହ କୋଟି ୪୦ ଲକ୍ଷରୁ ଅଧିକ ହେବ । ସେତେବେଳେ ଏତେ ବଡ଼ ଜନସଂଖ୍ୟାକୁ ବାସଗୃହ ନିର୍ମାଣ ନିମନ୍ତେ ଜମି ଯୋଗାଇବା ଅସମ୍ଭବ ହେବ । ପାନୀୟ ଜଳ ମିଳିବ ନାହିଁ । ଜଙ୍ଗଲ ନଷ୍ଟ ହୋଇ ପର୍ୟ୍ୟାବରଣ ସମ୍ପୁର୍ଣ୍ଣ ଭାବେ ଧ୍ଵଂସ ହୋଇଯିବ । କୁପୋଷଣ ଅପରାଧ, ଆତଙ୍କବାଦ ପ୍ରବଳ ମାତ୍ରାରେ ବୃଦ୍ଧି ପାଇବ । ସ୍ବାସ୍ଥ୍ୟ, ଶିକ୍ଷା, ଖାଦ୍ୟ ଯୋଗାଇବା କିମ୍ବା ବ୍ୟବସ୍ଥା କରିବା ସାଧାରଣ ଜନତା କିମ୍ବା ଯେକୌଣସି ନିର୍ବାଚିତ ସରକାର ପକ୍ଷରେ ସମ୍ପୁର୍ଣ୍ଣ ଅସମ୍ଭବ ହୋଇ ପଡ଼ିବ । ଦେଶର ଗୃହ ଯୁଦ୍ଧ ପରିସ୍ଥିତି ସୃଷ୍ଟି ହେବ । ଏଣୁ ଆଗାମୀ ଦିନରେ ଦେଶକୁ ସୁରକ୍ଷିତ ରଖିବା ପାଇଁ ଆମଦେଶରେ କଠୋର ଜନ୍ମ ନିୟନ୍ତ୍ରଣ ଆଇନ ପ୍ରଣୟନ କରିବାକୁ ଜନସଂଖ୍ୟା ସମାଧାନ ଫାଉଣ୍ଡେସନ ବଲାଙ୍ଗୀର ଶାଖା ତରଫରୁ ଦୃଢ ଦାବୀ କରିଛନ୍ତି । ସବୁ ନାଗରିକମାନେ ନିଜକୁ ଦୁଇଟି ସନ୍ତାନ ମଧ୍ୟରେ ସୀମିତ ରଖିବାକୁ ବାଧ୍ୟ ହେବେ ବୋଲି ଫାଉଣ୍ଡେସନର ସଦସ୍ୟମାନେ କହିଛନ୍ତି । ଯଦି କୌଣସି ନାଗରିକ ପ୍ରଣୀତ ଆଇନ ଅମାନ୍ୟ କରି ତୃତୀୟ ସନ୍ତାନ ଜନ୍ମ ଦିଅନ୍ତି ତେବେ ସେମାନଙ୍କ ପ୍ରତି କଠୋର ଦଣ୍ଡର ବ୍ୟବସ୍ଥା ହେଉ । ଆଇନ ଅମାନ୍ୟକାରୀଙ୍କୁ ସମସ୍ତ ସରକାରୀ ସୁବିଧାରୁ ବଞ୍ଚିତ କରାଯିବାକୁ ଅନୁରୋଧ କରିଛନ୍ତି । ସେମାନଙ୍କର ନାଗରିକତ୍ୱ ସମାପ୍ତି କରିବାକୁ ଆଇନରେ ବ୍ୟବସ୍ଥା ହେଉ ଏଥି ସହ ଆଇନ ଅମାନ୍ୟକାରୀଙ୍କୁ ଦଶ ବର୍ଷର କାରାଦଣ୍ଡର ବ୍ୟବସ୍ଥା ସାଙ୍ଗକୁ ଆର୍ଥିକ ଦଣ୍ଡର ବ୍ୟବସ୍ଥା କରିବାକୁ ଦୃଢ ଦାବୀ କରିଛନ୍ତି । ଆଜିର ଏହି ଦାବୀପତ୍ର ଦେବା କାର୍ୟ୍ୟକ୍ରମରେ ଜନସଂଖ୍ୟା ସମାଧାନ ଫାଉଣ୍ଡେସନ ବଲାଙ୍ଗୀର ଶାଖାର ସଭାପତି ଆଲୋକ ନାୟକଙ୍କ ନେତୃତ୍ୱରେ ପ୍ରଶାନ୍ତ ଷଡ଼ଙ୍ଗୀ, ରାଜ ନାୟକ, ସମେତ ଅନ୍ୟାନ୍ୟ ସଦସ୍ୟ ଯୋଗ ଦେଇଥିଲେ ।