ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଛତ୍ରପୁର ସହରର ବହୁ ପୁରାତନ ପ୍ରତିଷ୍ଠିତ ରାଜାଘର ଶ୍ରୀ ଶ୍ରୀ ଜଗନ୍ନାଥ ମନ୍ଦିରରେ ପବନପୁତ୍ର ହନୁମାନଙ୍କ ଜୟନ୍ତୀ ଉତ୍ସବ ବର୍ଣ୍ଣାଢ଼୍ୟ ସମାରୋହରେ ପାଳିତ ହୋଇଯାଇଛି । ମହାବିଷୁବ ସଂକ୍ରାନ୍ତି ଅବସରରେ ସମୂହ ୧୦୮ ହନୁମାନ ଚାଳିଶା ପାଠ, ହୋମଯଜ୍ଞ, ଆଦି ବିଧିବଦ୍ଧ ଭାବେ ପୂଜାର୍ଚ୍ଚନା ଅନୁଷ୍ଠିତ ହେବା ସାଂଗକୁ ବିଗତ ବର୍ଷମାନଙ୍କ ପରି ଚଳିତ ବର୍ଷ ମଧ୍ୟ ଶହସ୍ରାଧିକ ଭକ୍ତଜନଙ୍କ ପାଇଁ ସ୍ଵାଦିଷ୍ଟ ଅନ୍ନପ୍ରସାଦ ବିତରଣ କରାଯାଇଥିଲା । ଭକ୍ତ ଗୋଷ୍ଠୀଙ୍କ ସାମୂହିକ ହନୁମାନଙ୍କ ଚାଳିଶା ପାଠରେ ଏହି ବର୍ଣ୍ଣାଢ଼୍ୟ ଆଧ୍ୟାତ୍ମିକ କାର୍ଯ୍ୟକ୍ରମରେ ନିଆରା ଭାବାବେଗ ଦେଖାଦେଇଥିଲା । ଭକ୍ତିମୟ ପରିବେଶରେ ଆନନ୍ଦ ଉଲ୍ଲାସରେ ସମସ୍ତେ ଆତ୍ମବିଭୋର ହୋଇ ଉଠିଥିବା ଦେଖାଦେଇଥିଲା ।