ବୌଦ୍ଧ, (ବଂଶୀଧର ମାଝୀ) : କଣ୍ଟାମାଳ ବ୍ଲକ ଖୁଣ୍ଟିଗୋରା ପଞ୍ଚାୟତ ବନ୍ଧଗୋରା ଧବଳେଶ୍ବର କ୍ରିକେଟ କ୍ଲବ ଦ୍ବାରା ସ୍ଥାନୀୟ ଖେଳ ପଡିଆ ଠାରେ ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇ ଯାଇଛି । ଆଜି ପ୍ରଥମ ସେମିଫାଇନାଲ ଖେଳରେ ମସିଣାଗୋରା ଦଳକୁ ହରାଇ ଲଣ୍ତାଗାଁ ଦଳ ଫାଇନାଲକୁ ପ୍ରବେଶ କରିଥିଲା । ଦ୍ବିତୀୟ ସେମିଫାଇନାଲ ଖେଳରେ ଉଡେର ଦଳକୁ ହରାଇ ଦେଢେଣମାଳ ଦଳ ଲଣ୍ତାଗାଁ ସହିତ ଫାଇନାଲ ମ୍ୟାଚ ଖେଳିଥିଲା । ଅନ୍ତିମ ମ୍ୟାଚରେ ଲଣ୍ତାଗାଁ ଦଳ ଟସ୍ ଜିଣି ପ୍ରଥମେ ବ୍ୟାଟିଂ ଆରମ୍ଭ କରି ୬ ଓଭର ବିଶିଷ୍ଟ ଖେଳରେ ୫ ୱିକେଟରେ ୫୩ ରନ ସଂଗ୍ରହ କରିଥିଲା । ଦ୍ବିତୀୟ ଇନିଙ୍ଗସର ଖେଳ ଦର୍ଶକମାନଙ୍କ ପାଇଁ ଖୁବ ଆକର୍ଶଣୀୟ ରହିଥିଲା । ଲଣ୍ତାଗାଁ ଦଳର ଖେଳାଳିଙ୍କ ସାମାନ୍ୟ ଭୁଲ ଯୋଗୁଁ ବିଜୟୀ ହେବା ସମୟରେ ମ୍ୟାଚ ଡ୍ର ରହିଥିଲା । ଫଳରେ ସୁପର ଓଭର ଭାବେ ୧ଓଭର ବିଶିଷ୍ଟ ଖେଳ ଖେଳା ଯାଇଥିଲା ୧ୱିକେଟ ହରାଇ ଦେଢେଣମାଳ ଦଳ ୧୧ରନ ସଂଗ୍ରହ କରିଥିଲା । ଜବାବରେ ଲଣ୍ତାଗାଁ ଦଳ ୧ୱିକେଟ ହରାଇ ମାତ୍ର ୭ରନ ସଂଗ୍ରହ କରି ୪ରନରେ ପରାସ୍ତ ହୋଇଥିଲା । ସୁପର ଓଭର ଖେଳର ଫାଇଦା ନେଇ ଦେଢେଣମାଳ ଦଳ ଚାମ୍ପିଅନ ହେବାରେ ସଫଳ ହୋଇଥିଲା । ପୁରସ୍କାର ବିତରଣ ସଭାରେ ସାମ୍ବାଦିକ ପ୍ରଭାତ ସାହୁ ମୁଖ୍ୟ ଅତିଥି ଏବଂ ୱାର୍ଡସଭ୍ୟ ଆକୁଳ ଭୋଇ ସମ୍ମାନିତ ଅତିଥି ଭାବେ ଯୋଗଦେଇ ଉଭୟ ଦଳକୁ ପୁରସ୍କୃତ କରିଥିଲେ । ଲମ୍ବୋଦର ବେହେରା ଓ ଘନଶ୍ୟାମ ବାଘ ଖେଳ ପରିଚାଳନା କରିଥିଲେ । କୁଳମଣି ଦାଶ ସ୍କୋରର ଏବଂ ଶଙ୍କର୍ଷଣ ସାହୁ ଧାରାବିବରଣୀ ପ୍ରଦାନ କରିଥିଲେ । କ୍ଲବ ସଭାପତି ସରୋଜ ଭୋଇ ଏବଂ ସଦସ୍ୟ ସୋନୁ ପୂଜାରୀ, ବିବଚ୍ଛ ଭୋଇ, ଧୋବା ଭୋଇ, ସଲିତ ଭୋଇ ପ୍ରମୁଖ ଖେଳ ପରିଚାଳନାରେ ସହଯୋଗ କରିଥିଲେ ।