ଟିଟିଲାଗଡ଼, (ସଞ୍ଜୟ କୁମାର ନାୟକ) : ମଙ୍ଗଳବାର ସକାଳୁ ଏକ ଅଘଟଣ ଘଟିଛି । ଟିଟିଲାଗଡ ନିକଟସ୍ଥ ବିଜେପୁର ପଞ୍ଚାୟତ ରିକଡୁଲ ଗ୍ରାମର ମୁଖ୍ୟ ରାସ୍ତା ସ୍କୁଲ ପାଖରେ ଗୋଟିଏ ପାଗଳ କୁକୁର ଗ୍ରାମର ୧୨ ଜଣଙ୍କୁ ଗୋଡ଼ାଇ ଗୋଡ଼ାଇ କାମୁଡିଛି । ସେମାନଙ୍କ ଭିତରୁ ଜଣେ ନାବାଳକ ମଧ୍ୟ ଅଛନ୍ତି । ସମସ୍ତେ ଟିଟିଲାଗଡ ସରକାରୀ ଡାକ୍ତରଖାନାକୁ ଆସି ପ୍ରାଥମିକ ଚିକିତ୍ସା କରାଇବା ପରେ ବଲାଙ୍ଗିର ସ୍ଥାନାନ୍ତର କରାଯାଇଥିବା ସୂଚନା ମିଳିଛି । ସାମାନ୍ୟ କୁକୁର କାମୁଡ଼ାରେ ମୁଖ୍ୟ ଭେକ୍ସିନ୍ ପାଇଁ ବଲାଙ୍ଗିର ଡାକ୍ତରଖାନାକୁ ଯିବାକୁ ପଡ଼ୁଥିବା ଯୋଗୁଁ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ନାବାଳକ ପର୍ବିନ ବେନିଆ ଗୁରୁତର ଭାବେ ଆହତ ହୋଇଛନ୍ତି । ସରକାରୀ ଡାକ୍ତରଖାନାରେ ପରିବାର ବର୍ଗ ଏବଂ ଗ୍ରାମବାସୀ ରୁଣ୍ଡ ହୋଇଛନ୍ତି ।
Prev Post