ls

ଅପହରଣ ହୋଇଥିବା ସିଆର୍‌ପିଏଫ୍‌ କୋବ୍ରା କମାଣ୍ଡୋଙ୍କୁ ମୁକ୍ତ କଲେ ମାଓବାଦୀମାନେ : କୋବ୍ରା କମାଣ୍ଡୋଙ୍କ ପତ୍ନୀ କହିଲେ, ଆଜି ଜୀବନର ସବୁଠାରୁ ବଡ ଖୁସିର ଦିନ

2020

ବିଜାପୁର : ଛତିଶଗଡରେ ନକ୍ସଲ ଆକ୍ରମଣ ସମୟରେ ନକ୍ସଲମାନେ କାବୁ କରିଥିବା ସିଆର୍‌ପିଏଫ୍ କମାଣ୍ଡୋଙ୍କୁ ମୁକ୍ତ କରାଯାଇଛି । ଏଥି ସହିତ କୋବ୍ରା କମାଣ୍ଡୋ ରାକେଶ୍ୱର ସିଂ ମାନହସଙ୍କ ମୁକ୍ତିଲାଭ ପରେ ତାଙ୍କ ପତ୍ନୀ ଏହାକୁ ଜୀବନର ସବୁଠାରୁ ବଡ ଖୁସିର ଦିନ ବୋଲି ବର୍ଣ୍ଣନା କରିଥିଲେ । ଏହାପୂର୍ବରୁ ନକ୍ସଲମାନେ ଦୁଇ ପୃଷ୍ଠାର ବିବୃତ୍ତି ଜାରି କରି କହିଥିଲେ ଯେ ସିଆର୍‌ପିଏଫ୍ର କୋବ୍ରା କମାଣ୍ଡୋ ରାକେଶ୍ୱର ସିଂ ମାନହସ୍ ସେମାନଙ୍କ ଅଧୀନରେ ଅଛନ୍ତି । ନିଷିଦ୍ଧ କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ମାଓବାଦୀ) ଏକ ବିବୃତ୍ତି ଜାରି କରି କହିଛି ଯେ, ନିଖୋଜ ଯବାନ ୩ ଏପ୍ରିଲରେ ହୋଇଥିବା ଏନକାଉଣ୍ଟର ପରଠାରୁ ସେମାନଙ୍କ ଅଧୀନରେ ରହିଥିଲେ । ରାଜ୍ୟ ସରକାର ଆଲୋଚନା ପାଇଁ ମଧ୍ୟସ୍ଥି ଘୋଷଣା କରିବା ପରେ ହିଁ ସିଆର୍‌ପିଏଫ୍ କମାଣ୍ଡୋଙ୍କୁ ମୁକ୍ତ କରାଯିବ ବୋଲି ନକ୍ସଲମାନେ କହିଥିଲେ ।

ବୁଧବାର ନିଜେ ନକ୍ସଲମାନେ କମାଣ୍ଡୋ ରାକେଶ୍ୱର ସିଂ ମାନହସଙ୍କ ଛବି ପ୍ରକାଶ କରି କହିଥିଲେ ଯେ ସେ କୁଶଳରେ ଅଛନ୍ତି । ଚିତ୍ରରେ ରାକେଶ୍ୱର ସିଂ ମାନହସ୍ ଖଜୁରୀ ପତ୍ରରେ ତିଆରି କୁଟୀରରେ ବସିଥିବାର ନଜର ଆସିଥିଲେ । ଚିତ୍ରରେ ରାକେଶ୍ୱର ସିଂ ସମ୍ପୂର୍ଣ୍ଣ ସୁସ୍ଥ ଦେଖାଯାଉଥିଲେ । ବୁଧବାର ଦିନ ନକ୍ସଲମାନେ ଏହି ଫଟୋ ଛାଡିଥିଲେ ।

Leave A Reply

Your email address will not be published.