ରାଉରକେଲା, (ସସ୍ମିତା ପ୍ରଧାନ) : ସେକ୍ଟର ୨୦ ନେହେରୁପଲ୍ଲୀ ସ୍ଥିତ ଏକତା କ୍ଲଷ୍ଟର ତରଫରୁ ସ୍ୱାଧୀନତା ଦିବସ ପାଳିତ ହୋଇଯାଇଛି । କ୍ଲଷ୍ଟର ସଭାପତି ଲିଲିମା ଜୟସିଂହଙ୍କ ସଭାପତିତ୍ୱ ଓ ସଂପାଦକ ରୀତା ମହାପାତ୍ରଙ୍କ ଆବାହକତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ରଘୁନାଥପାଲୀ ବିଜେଡି ସଭାପତି ଆର୍ତ୍ତ ମହାରଣା ମୁଖ୍ୟ ଅତିଥି ଓ ସମ୍ମାନିତ ଅତିଥି ଭାବେ ସମାଜସେବୀ ଗଣେଶ ଜୟସିଂହ ଓ ପହଲି ନାୟକ ପ୍ରମୁଖ ଉପସ୍ଥିତ ରହି ବକ୍ତବ୍ୟ ରଖିଥିଲେ । ଏହି କାର୍ଯ୍ୟକ୍ରମରେ ଶିବ ପରିବାର, ମା’ ବଗଳାମୁଖି, ମା’ ସମଲେଶ୍ୱରୀ, ମହିଳା ଚେତନା, ମା’ ମଙ୍ଗଳା, ମହିଳା ବିକାଶ, ମହିଳା ଶକ୍ତି, ଖୁସବୁ, ସତ୍ୟସାଇ, ମା’ ଗୋଜବାୟାଣୀ, ତିରୁପତି, ବାଲାଜୀ, ମା’ ଭବାନୀ ଏସ୍ଏଚ୍ଜିର ସମସ୍ତ କର୍ମକର୍ତ୍ତାଙ୍କ ସହ ନେହେରୁପଲ୍ଲୀ ଆଶାକର୍ମୀ ରୀନା କିଶାନ, ରୁକସନା ବେଗମ, ଜାନକୀ ଦେବୀ, ଗୀତା ଦେବୀ, ଅଲପନା ପାଲ, ଆଶା ଦାସ, ଉମା ରାୟ, ମାନସୀ ଜୟସିଂହ, ତାହିରା ଖାତୁନ, ପୁନମ ବେଗମ ପ୍ରମୁଖ ଦେଢଶହରୁ ଅଧିକ ମହିଳା ଯୋଗଦେଇଥିଲେ ।