ଭାଗୀରଥି ମିଶ୍ର
ସ୍ୱପ୍ନର ଅରଣ୍ୟ ଭିତରେ
ନିଖୋଜ ଜୀବନ ଆମର!
ନିବୁଜ୍ କୋରଡ଼ର ଦ୍ୱାର ଖୋଲି
ପଶିଆସେ ଆଲୁଅର ଝଲକ,
ଅଂଧାର ଭିତରୁ ମୁକୁଳି
ଆଖି ଖୋଲି ପାଟି ମେଲିବା ବେଳକୁ
ଝାପ୍ସା ଝାପ୍ସା ଦିଶେ
ଆମର ପହିଲି ସ୍ୱପ୍ନ ।
ହଁ, ସେଇ ଶୈଶବର କଥା କହୁଛି
ଯେତେବେଳେ ନକ୍ଷତ୍ରମଂଡ଼ଳରେ
ଅଗଣିତ ତାରକା
ଆମ ପରି ଯେ’ ଯାହାର
ଦିଗଂତ ବିହୀନ ଦୃଷ୍ଟିରେ ସ୍ୱଚ୍ଛ
ଏକା ଏକା ।
କିଏ କଢେ଼ଇ ଆଣିଲା
ଆମର ପାଦକୁ
ସହଯାତ୍ରାରେ!
କିଏ ବଢେ଼ଇ ଦେଲା
ଏକାତ୍ମ ଜୀବନ
ଶୂନ୍ୟ ପାପୁଲିରେ !
ଆକାଶ ଆଡ଼କୁ ଦେଖୁ ଦେଖୁ ସେଦିନ
ଘନେଇ ଆସିଥିଲା ଅଂଧାର
ବତାସ ସାଥୀରେ
ସାରା ବଗିଚା ବିପର୍ଯ୍ୟସ୍ତ
ଅଥଚ ଅଧାଖୋଲା କଢ଼ ଦୁଇଟି
ମୁକୁଳି ଗଲେ ନିର୍ଲିପ୍ତ ଭାବରେ ।
ସେଇ ବଗିଚାର ଆତ୍ମା
ଆମର ଏକୋଇର ସ୍ୱପ୍ନ
କ୍ରମଶଃ ଘଂଚ ହେଇ
ଅରଣ୍ୟ
ଆଉ ନିଖୋଜ ଜୀବନ ଆମର
ପାଦ ହିଁ ପଥର ପ୍ରିୟ ସହଚର!
ବଲାଙ୍ଗିର
ମୋ.ନଂ.୭୦୦୮୦୦୪୦୪୯