ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ଆମପାଲିଠାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିବା ଖବର ମିଳିଛି । ଦୁଇ ବାଇକ ମୁହାଁମୁହିଁ ଧକ୍କା ହେବାରୁ ୨ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକ ଦୁଇ ଜଣଙ୍କ ମଧ୍ୟରୁ ଜଣେ ଲୋଇସିଂହା ବ୍ଲକ ତଲିଉଡାର ପଂଚାୟତ ଅନ୍ତର୍ଗତ ଉପରଉଡାର ଗ୍ରାମର ଭୁବନ ଚିରଗୁନ ଓ ଅନ୍ୟଜଣେ ଏହି ବ୍ଲକର ଆମପାଲି ଗ୍ରାମର ପ୍ରଶାନ୍ତ କୁମାର ପଟେଲ ବୋଲି ଜଣାପଡିଛି । ତେବେ ଦୁଇ ଜଣଙ୍କ ମୃତଦେହକୁ ବଲାଙ୍ଗିର ଶବ ବ୍ୟବଚ୍ଛେଦ କେନ୍ଦ୍ରଠାରେ ରଖଯାଇଥିବା ଜଣାପଡିଛି ।