ପଦ୍ମପୁର, (ନିରୋଜ କୁମାର ପାଣୀ) : ପଶ୍ଚିମ ଓଡ଼ିଶା ପ୍ରସିଦ୍ଧ ତୀର୍ଥକ୍ଷେତ୍ର ନୃସିଂହନାଥ ସ୍ଥିତ ଆଇଓସିଏଲ୍ ଗେଷ୍ଟ ହାଉସ ପ୍ରାଙ୍ଗଣରେ ପାଇକମାଲ ବ୍ଲକସ୍ତରୀୟ ବାରିକ ସମାଜର ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ବ୍ଲକର ସମସ୍ତ ବାରିକ ସମାଜ ଭାଇ, ମା, ଭଉଣୀ ମାନେ ତଥା କର୍ମକର୍ତ୍ତା ବୃନ୍ଦ ଯୋଗଦାନ ଦେଇ ଅଭିନନ୍ଦନ ମାଧ୍ୟମରେ ବାରିକ ସମାଜର ଉନ୍ନତି କାମନା କରିଥିଲେ । ନୂଆଁଖାଇ ଭେଟ୍ଘାଟ ଉତ୍ସବରେ ଗୋଲକ ବାରିକ ସଭାପତିତ୍ୱ କରି କାର୍ଯ୍ୟକ୍ରମକୁ ଆଗେଇ ନେଇଥିଲେ । ଏଥିରେ ବାରିକ ସମାଜର କଲ୍ୟାଣ ମଣ୍ଡପ ପାଇଁ ଭୂମି ପୂଜନ ଏବଂ ବୟୋଜ୍ୟେଷ୍ଠମାନଙ୍କ ଗୋଡ ଧୁଆ ଓ ତାଙ୍କଠାରୁ ଆଶୀର୍ବାଦ ପ୍ରାପ୍ତି କାର୍ଯ୍ୟକ୍ରମ କରାଯାଇଥିଲା । ସର୍ବ ଶେଷରେ ଝସକେତନ ବାରିକ ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ସହିତ ସଭା ସାଙ୍ଗ କରିଥିଲେ ।