ମ.ରାମପୁର, (ହେମନ୍ତ ସାହୁ) : କଳାହାଣ୍ଡିର ଅନ୍ୟତମ ଅଗ୍ରଣୀ ସାହିତ୍ୟର ଅନୁଷ୍ଠାନ ଯୁଗଯାତ୍ରୀ ସାହିତ୍ୟ ସଂସଦର ଆଜି ନୂଆଁଖାଇ ଭେଟ ପ୍ରସ୍ତୁତି ବୈଠକ ଅନୁଷ୍ଠିତ ହେଇଯାଇଛି । ସମ୍ପାଦକ ହେମନ୍ତ ସାହୁ ପୂର୍ବ ବୈଠକର ବିବରଣୀ ପଠନ ପରେ ଆଲୋଚନା ଆରମ୍ଭ ହେଇଥିଲା । ବୈଠକର ନିଷ୍ପତି ଅନୁଯାୟୀ ସେପ୍ଟେମ୍ବର ୧୯ ତାରିଖରେ ନୂଆଁଖାଇ ଭେଟ ସକାଳ୧୦ ଘଣ୍ଟା ସମୟରେ ସଂସଦ ସଭା ଗୃହରେ ପାଳନ କରାଯିବ । ଏହି ଅବସରରେ କବିତା ପାଠ ଏବଂ ସାହିତ୍ୟ ସଭାର ଆୟୋଜନ ହେବ । ଆଜିର ପ୍ରସ୍ତୁତି ବୈଠକରେ ସୁବୋଧ କୁମାର ଶତପଥୀ, ରମେଶ ଚନ୍ଦ୍ର ମିଶ୍ର, ସୁଶାନ୍ତ ମିଶ୍ର, କୀର୍ତ୍ତନ ଘିଭେଲା, ପରମାନନ୍ଦ ବିଶି, ମାନସ ପ୍ରହରାଜ, ନାରାୟଣ ମହାଳିକ, ମିତେଶ ପଣ୍ଡା ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ ।