ଟିଟିଲାଗଡ, (କେପିଏନ୍ଏସ୍) : ଟିଟିଲାଗଡ ବ୍ଲକ ଅନ୍ତର୍ଗତ ଅଇଁଲାଭଟା ଗ୍ରାମରେ ବାୟର ସେମିନିସ୍ କମ୍ପାନୀ ପକ୍ଷରୁ ଗତକାଲି ଏକ ବିଶାଳ କୃଷି ମେଳା ଅନୁଷ୍ଠିତ ହୋଇଯାଇଛି । ଉକ୍ତ କୃଷି ମେଳାରେ ପ୍ରାୟ ୧୦ଟି ଗ୍ରାମର କୃଷକ ଯୋଗ ଦେଇଥିଲେ । ଅଦାବାହାଲ, ସିଲଣ୍ଡା, ଚାଣ୍ଟିପଲା, ଡୁଙ୍ଗୁରିଗୁଡା, ଲେବଡା ଇତ୍ୟାଦି ଗ୍ରାମର ହାରାହାରି ୫୦୦ରୁ ଅଧିକ ଚାଷୀ ଯୋଗ ଦେଇଥିଲେ । ଉକ୍ତ କୃଷି ମେଳାରେ ଚାଷୀଙ୍କୁ ବାୟର ସେମିନିସ୍ କମ୍ପାନୀର ମଞ୍ଜି ବିଷୟରେ ତାଲିମ ଦିଆଯାଇଥିଲା । ଏହି ମେଳାରେ ଶୀତଦିନିଆ ଫୁଲକୋବି ୭୨୦୯ ବିଷୟ ମୁଖ୍ୟ ଥିଲା । ଉକ୍ତ ମେଳାରେ ବାୟର ସେମିନିସ୍ କମ୍ପାନୀର ଏମ୍ଡିଓ ଅମିତ କୁମାର ସ୍ୱାଇଁ, ଶତପାଲ ଖମାରୀ, ସୁପରଭାଇଜର ଦୀପକ ଦାସ, ଟିଏସ୍ଏମ୍ ପ୍ରବୀଣ ସାହୁ, ଟିଡିଓ ସାମୀଲ ବାଗ୍ ଉପସ୍ଥିତ ରହି ଚାଷୀମାନଙ୍କୁ ତାଲିମ ଦେଇଥିଲେ ।