କଣ୍ଟାବାଞ୍ଜି, (କୈଳାଶ ସଗ୍ରିଆ) : ଆଜି ମହମ୍ମଦ ପେଗାମ୍ବରଙ୍କ ଜନ୍ମ ଜୟନ୍ତୀ ଓ ଇଦ୍ ଉଲ୍ ମିଲଦୁନ୍ନବି ଉପଲକ୍ଷେ ମୁସଲିମ ସମ୍ପ୍ରଦାୟର ଲୋକେ ଆଶ୍ରମପଡାରୁ ଏକ ବିଶାଲ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା । କଣ୍ଟାବାଞ୍ଜି ମସ୍ଜିଦ୍ରେ ପହଞ୍ଚିବା ପରେ ଶୋଭାଯାତ୍ରା ଶେଷ ହୋଇଥିଲା । ମୁସଲିମ ସମାଜ ପକ୍ଷରୁ ଶୋଭା ଯାତ୍ରାରେ ପୂର୍ବତନ ବିଧାୟକ ଆୟୁବ ଖାନ୍ ଓ ଶେଖ୍ ଅନବର (ଗୁଡା), ଫିରୋଜ ଖାନ୍, ତାହିର ଖାନ୍ ଯୋଗ ଦେଇଥିଲେ । ଏହି ଅବସରରେ ଆମ୍ବେଦକର ଯୁବ ସଂଘ ବେହେରେନସିଲେଟ ପକ୍ଷରୁ ଏହି ଶୋଭାଯାତ୍ରାକୁ ଶଦ୍ଭାବନା ଭାଇ ଚାରାର ଉଦାହରଣ ଦେଇ ଲୋକଙ୍କୁ ପାନୀୟ ଜଳ ଓ ସର୍ବତ ବଣ୍ଟନ କରିବା ସହ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା ଏବଂ ପୂର୍ବତନ ବିଧାୟକ ଆୟୁବ ଖାଁ ଓ ସମାଜର ବିଭିନ୍ନ ପଦାଧିକାରୀଙ୍କୁ ଫୁଲତୋଡ଼ା ଦେଇ ଯୁବ ସଂଘ ସଦସ୍ୟ ସ୍ୱାଗତ କରିଥିଲେ । ଆଜିର ଏହି କାର୍ଯ୍ୟକ୍ରମରେ ଆମ୍ବେଦକର ଯୁବ ସଂଘ ସଭାପତି ରୋହନ କୁମାର ମହତ, ଉପଦେଷ୍ଟା ଯୁଗଳ କିଶୋର ଶବର, ତୁଲାରାମ ଜଗତ, ସମ୍ପାଦକ ମହୋନ ସୁନା, ଉପସଭାପତି ରାଜେଶ ମହାନନ୍ଦ, କୋଷାଧ୍ୟକ୍ଷ, ସୁମନ ମହତ, ସଦସ୍ୟ, ଦୁର୍ଗେ ତାଣ୍ଡି, ମିଳନ ସୁନା, ରିତିକ ଜାଲ, ଅଭିମନ୍ୟୁ ଜାଲ, ଇଶ୍ୱର ସୁନା ସହ ଅନ୍ୟମାନେ ପ୍ରମୁଖ ଉପସ୍ଥିତ ଥିଲେ ।