ନୂଆଦିଲ୍ଲୀ : ବାରମ୍ବାର ବ୍ଲାକମେଲିଂରେ ବିତସ୍ଫୃହ ହୋଇ ଜଣେ ଇ-ରିକ୍ସା ଡ୍ରାଇଭର ଦିଲ୍ଲୀର ଦ୍ୱାରକାଠାରେ ତାଙ୍କ ପ୍ରେମିକାକୁ ହତ୍ୟା କରିଥିଲେ । ଶୁକ୍ରବାର ଦିନ ଦିଲ୍ଲୀ ପୋଲିସ ଏହି ବିଷୟରେ ସୂଚନା ଦେଇଛି । ଦିଲ୍ଲୀ ପୋଲିସର ସୂଚନାନୁସାରେ, ଅଜୟ କୁମାର ନାମକ ଅଭିଯୁକ୍ତ ଉତ୍ତରପ୍ରଦେଶର ବରେଲିର ବାସିନ୍ଦା ଏବଂ ସେ ଏକ ରିକ୍ସା ଚଳାଉଛନ୍ତି । ତାଙ୍କ ପ୍ରେମିକା ତାଙ୍କୁ କ୍ରମାଗତ ଭାବରେ ବ୍ଲାକମେଲ କରୁଥିଲା ଏବଂ ଟଙ୍କା ମାଗିଥିଲା, ଯେଉଁଥିପାଇଁ ଅଭିଯୁକ୍ତ ତାଙ୍କୁ ହତ୍ୟା କରିଥିଲେ ।
ଦିଲ୍ଲୀ ପୋଲିସର ସୂଚନାନୁସାରେ, ଗୁରୁବାର ଦିନ ପ୍ରେମିକାର ମୃତଦେହ ମିଳିଛି । ମୃତଦେହ ମୋହନ ଗାର୍ଡେନ୍ ଅଞ୍ଚଳରେ ମିଳିଥିଲା ଏବଂ ଝିଅଟିକୁ ସ୍କାର୍ଫରେ ଗଳା ଚିପ ହତ୍ୟା କରାଯାଇଥିଲା । ମୃତ ଝିଅଟି ମଧ୍ୟ ୟୁପିର ବାସିନ୍ଦା ଥିଲା ଏବଂ ଗତ ସପ୍ତାହରେ ତାଙ୍କ ନଣନ୍ଦ ସହିତ ଦିଲ୍ଲୀ ଆସିଥିଲେ । ଏଠାରେ ସେ ଏକ କାରଖାନାରେ କାମ କରିବା ମଧ୍ୟ ଆରମ୍ଭ କରିଥିଲେ ।
ପୋଲିସର ପଚରାଉଚରା ବେଳେ ଅଭିଯୁକ୍ତ ଅଜୟ କହିଥିଲା ଯେ, ସେ ଗତ ବର୍ଷ ଜଣେ ବିବାହିତା ମହିଳା ସହିତ ସମ୍ପର୍କରେ ଥିଲେ । କିନ୍ତୁ କିଛି ସମୟ ପରେ ସେହି ମହିଳା ଅଭିଯୁକ୍ତ ଅଜୟଙ୍କଠାରୁ ଟଙ୍କା ମାଗିବା ଆରମ୍ଭ କରିଥିଲା । ଅଜୟକୁ ମିଥ୍ୟା ମାମଲାରେ ଫସାଇ ଦେବାକୁ ଧମକ ଦେଉଥିଲା । ଏଥିରେ ଅଜୟ ବିରକ୍ତ ହୋଇ ପ୍ରେମିକାକୁ ମାରିବା ପାଇଁ ଯୋଜନା କରିଥିଲା । ଗତ ସପ୍ତାହରେ ଯେତେବେଳେ ପ୍ରେମିକାଟି ତାଙ୍କ ନଣନ୍ଦ ସହିତ ଦିଲ୍ଲୀ ଆସିଥିଲା, ଅଭିଯୁକ୍ତ ଅଜୟ ମଧ୍ୟ ତାଙ୍କୁ ଅନୁସରଣ କରି ଦିଲ୍ଲୀ ପହଂଚିଥିଲା ଓ ହତ୍ୟା କରିଥିଲା ପ୍ରେମିକାକୁ ।