ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାଏ ସହର ନିବାସୀ ଲିଙ୍ଗରାଜ ପଣ୍ଡାଙ୍କୁ ସାମାଜିକ କାର୍ଯ୍ୟ ତଥା ଜ୍ୟୋତିଷ ଶାସ୍ତ୍ରରେ ସମ୍ମାନ ଜନକ ଡ଼ଃ ଆୱାର୍ଡ ପ୍ରଦାନ କରାଯାଇଛି । ଦିଲ୍ଲୀ ଫରିଦାବାଦର ମେଜିକ ବୁକ ଅଫ ରେକର୍ଡ ଅନୁଷ୍ଠାନ ପକ୍ଷରୁ ତାଙ୍କୁ ଏହି ସମ୍ମାନ ମିଳିଛି । ସେ ସାମାଜିକ କାର୍ଯ୍ୟରେ ଓଡିଶାର ବିଭିନ୍ନ ଅଞ୍ଚଳରେ ଯୋଗଦେଇ ଆସୁଥିବା ବେଳେ ଜ୍ୟୋତିଷ ଶାସ୍ତ୍ରରେ ତାଙ୍କର କାର୍ଯ୍ୟଦକ୍ଷତା ରହିଛି । ୨୦୦୦ ମସିହାରୁ ଦୀର୍ଘ ୨୩ ବର୍ଷ ହେଲା ସେ ଜ୍ୟୋତିଷ ଶାସ୍ତ୍ରରେ ଗବେଷଣା କରି ଆସୁଛନ୍ତି । ଯାହାକୁ ନେଇ ସେ ଜାତୀୟ ସ୍ତରରେ ନିଜର ପରାକାଷ୍ଟା ଦେଖାଇପାରିଛନ୍ତି । ଯାହାକୁ ନେଇ ତାଙ୍କର ଶତାଧିକ ଛାତ୍ରଛାତ୍ରୀ ରହିଛନ୍ତି । ସେ ନିରନ୍ତର ଅନଲାଇନରେ ବିଦ୍ୟାର୍ଥୀମାନଙ୍କୁ ଶାସ୍ତ୍ରଜ୍ଞାନ ପ୍ରଦାନ କରି ଆସୁଛନ୍ତି । ରାଜସ୍ଥାନ, ଗୁଜୁରାଟ, ଝାଡ଼ଖଣ୍ଡ, ବିହାର, ଉତ୍ତର ପ୍ରଦେଶ, ମହାରାଷ୍ଟ୍ର, ହରିୟାନା, ପଞ୍ଜାବ, ମୁମ୍ବାଇ, ଦିଲ୍ଲୀ, ହାଇଦ୍ରାବାଦ, ଚଣ୍ଡିଗଡ଼, ଚେନାଇ, ସିକନ୍ଦରାବାଦ ପ୍ରମୁଖ ରାଜ୍ୟ ଓ ସିଟି ଅଞ୍ଚଳର ବ୍ୟକ୍ତିମାନଙ୍କୁ ଶାସ୍ତ୍ର ଜ୍ଞାନ ସମ୍ପର୍କରେ ଅବୈତନିକ ଅନଲାଇନ ସେବା ପ୍ରଦାନ କରି ଆସୁଛନ୍ତି । ତାଙ୍କୁ ଏହି ସମ୍ମାନ ମିଳିବା ପରେ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି ।