ରାୟଗଡ଼ା : କେଉଟଗୁଡା ରେଳ ଷ୍ଟେସନ ନିକଟରେ ମାଲବାହୀ ଟ୍ରେନ ଲାଇନଚ୍ୟୁତ ହୋଇଥିବା ଜଣାପଡିଛି । ଦାମନଯୋଡି ଠାରୁ ରାୟଗଡ଼ା ଆସୁଥିବା ସମୟରେ ଦୁଇଟି ବଗି ଲାଇନଚ୍ୟୁତ ହୋଇଛି । ସୂଚନା ଅନୁସାରେ, ଦାମନଯୋଡି ସ୍ଥିତ ନାଲକୋ କାରଖାନାକୁ ଏକ ଖାଲି ମାଲବାହୀ ଟ୍ରେନ ଯାଉଥିବା ବେଳେ କେଉଟଗୁଡା ଷ୍ଟେସନ ନିକଟରେ ମାଲବାହୀ ଟ୍ରେନର ଦୁଇଟି ବଗି ଲାଇନଚ୍ୟୁତ ହୋଇଥିଲା । ଦୁଇଟି ବଗିର ୮ଟି ଚକ ରେଳ ଧାରଣାରୁ ତଳକୁ ଖସି ପଡ଼ିଥିଲା । ଏହା ସିଙ୍ଗଲ ଲାଇନ ହୋଇଥିବା କାରଣରୁ କୋରାପୁଟ-ରାୟଗଡ଼ା ରେଳପଥରେ ରେଳ ଚଳାଚଳ ପ୍ରଭାବିତ ହୋଇଛି ।