ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ସଦର ମହକୁମା ସରକାରୀ ପଞ୍ଚାୟତି ଉଚ୍ଚ ବିଦ୍ୟାଳୟ ପକ୍ଷରୁ ପ୍ରଧାନ ଶିକ୍ଷକ ସୁନୀଲ କୁମାର ପାତ୍ରଙ୍କ ପ୍ରତ୍ୟକ୍ଷ ତତ୍ଵାବଧାନରେ ସଡ଼କ ସୁରକ୍ଷା ସପ୍ତାହ ପାଇଁ ଏକ ସଚେତନତା ଅଭିଯାନ ଶନିବାର ଅନୁଷ୍ଠିତ ହୋଇଯାଇଛି । ଏଥିପାଇଁ ଉଚ୍ଚ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ତଥା ଶିକ୍ଷକ, ଶିକ୍ଷୟିତ୍ରୀମାନଙ୍କୁ ନେଇ ଏକ ସଚେତନତା ଅଭିଯାନ ଶୋଭାଯାତ୍ରା ପ୍ଲାକାର୍ଡ ଓ ସଚେତନତା ବାର୍ତ୍ତା ଦେଇ ଗାଁ ପରିକ୍ରମା କରିଥିଲେ । ଏଥିରେ ବ୍ଲକ ଏବିଇଓ କୋଦଣ୍ଡଧର ଭୋଇ, ଶିକ୍ଷୟିତ୍ରୀ ରଶ୍ମିଲତା ପାତ୍ର, ଡି ରିଚେଲ ନାଗ, ଶିକ୍ଷକ କିଶୋର ଚନ୍ଦ୍ର ମହାନ୍ତି, ବିକ୍ରମ ପୁରୋହିତ, ମନୋଜ କୁମାର ସ୍ଵାଇଁ, ଚନ୍ଦ୍ରଧ୍ଵଜ ଭୋଇ, ସୋମନାଥ ମାଝୀ, ଖେଳ ଶିକ୍ଷକ ସ୍ୱାଗତ ମେହେର, ପ୍ରଦୀପ ପୁଟେଲ ଓ ନୀଳାମ୍ବର ରାଉତ ପ୍ରମୁଖ ଉପସ୍ଥିତ ରହି ସଡ଼କ ସୁରକ୍ଷା ସମ୍ପର୍କରେ ଲୋକଙ୍କୁ ସଚେତନ କରିଥିଲେ ।