ବଲାଙ୍ଗିର, (କେପିଏନ୍ଏସ୍) : ଆଜି ୩ ଜଣ ବାଇକ୍ ଚୋରଙ୍କୁ ବଲାଙ୍ଗିର ଟାଉନ୍ ପୋଲିସ ଗିରଫ୍ କରି କୋର୍ଟ ଚାଲାଣ କରିଥିବା ସୂଚନା ମିଳିଛି । ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ ବଲାଙ୍ଗିର ଭୀମ ଭୋଇ ମେଡ଼ିକାଲ୍ କଲେଜ୍ ହସ୍ପିଟାଲ୍ ନିକଟରୁ ବାଇକ୍ ଚୋରି କରୁଥିବା ସମୟରେ ତିନି ଜଣ ଅଭିଯୁକ୍ତ ଧରାପଡ଼ିଥିବା ବେଳେ ଜଣେ ଅଭିଯୁକ୍ତ ଫେରାର୍ ହୋଇଯାଇଛି । ଗିରଫ ଅଭିଯୁକ୍ତମାନେ ହେଲେ ପୁଇଁତଲା ଥାନା କୁରୁଲ ଗାଁର ଅନୀଲ କୁମାର ସେଠ(୨୬), ପୁଇଁତଲା ଥାନା ଦୁହେଲ ଗାଁର ମୋତି ଓରଫ୍ ମୋତିଲାଲ ନାଗ(୨୭) ଏବଂ ପୁଇଁତଲା ଥାନା ଦଶପୁର ଗାଁର ଶ୍ରବଣ ନାଗ(୨୧) । ଜଣେ ଅଭିଯୁକ୍ତଙ୍କ ନାମରେ ଏକାଧିକ ଚୋରି ମାମଲା ଜିଲ୍ଲା ମଧ୍ୟରେ ତଥା ଜିଲ୍ଲା ବାହାରେ ରହିଥିବା ବଲାଙ୍ଗିର ଟାଉନ୍ ଥାନା ଆଇଆଇସି ବିଶ୍ୱଜିତ ମନବୋଧ କହିଛନ୍ତି । ଗିରଫ ତିନି ଜଣଙ୍କୁ ଆଜି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।