ପଦ୍ମପୁର, (ନିରୋଜ କୁମାର ପାଣୀ) : ଆଜି ପବିତ୍ର ଗଣେଶ ପୂଜା ଅବସରରେ ପଦ୍ମପୁର କଲେଜ ରୋଡ଼ ସ୍ଥିତ କାଳୀ ମନ୍ଦିର ପାର୍ଶ୍ଵରେ ଭିଜନ ଇନଷ୍ଟିଚ୍ୟୁଟ ଅଫ୍ କ୍ୟାରିଅର ଏଜୁକେସନ୍ର ଶୁଭ ଉଦ୍ଘାଟନ ହୋଇଯାଇଛି । ପଦ୍ମପୁରର ଜଣାଶୁଣା ଶିକ୍ଷାବିତ୍ ତଥା ଅଞ୍ଚଳ ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟାପକ ବାଞ୍ଛାନିଧି ପଣ୍ଡାଙ୍କ କର କମଳରେ ଏହାର ଶୁଭ ଉଦ୍ଘାଟନ ହୋଇଥିଲା । ଏଥିରେ ପଦ୍ମପୁରର ଅନେକ ଗଣ୍ୟମାନ୍ୟ ବ୍ୟକ୍ତି ତଥା କିଛି ଛାତ୍ରଛାତ୍ରୀ ଉପସ୍ଥିତ ଥିଲେ । ଏହି ସଂସ୍ଥାନରେ ଇଛୁକ ଛାତ୍ରଛାତ୍ରୀ ବ୍ୟାଙ୍କିଙ୍ଗ୍, ଏସ୍ଏସ୍ସି, ରେଲୱେ, ବୀମା, ସିଟି, ବିଇଡି, ସିଟିଇଟି, ଓଟିଇଟି, ଓଏସ୍ଏସ୍ଟିଇଟି ଇତ୍ୟାଦି ବିଭିନ୍ନ କ୍ୟାରିଅର ସମ୍ପର୍କୀୟ ପରୀକ୍ଷା ପାଇଁ ଶିକ୍ଷା ପାଇ ପାରିବେ । ଛାତ୍ରଛାତ୍ରୀମାନେ ବହୁତ ସୁଲଭ ମୂଲ୍ୟରେ ଏହାର ଲାଭ ଉଠାଇ ପାରିବେ ।