ପଦ୍ମପୁର, ( ନିରୋଜ କୁମାର ପାଣୀ) : ପଦ୍ମପୁର ଅଞ୍ଚଳ ମହାବିଦ୍ୟାଳୟର ସମ୍ମିଳନୀ ପ୍ରକୋଷ୍ଠରେ ଇତିହାସ ବିଭାଗର ଏକ ବିଦାୟକାଳୀନ ସଭା ଅଧ୍ୟକ୍ଷ ଡଃ ଲଳିତେନ୍ଦୁ ନାୟକଙ୍କ ସଭାପତିତ୍ଵରେ ଅନୁଷ୍ଠିତ ହୋଇଥିଲା । ଇତିହାସ ବିଭାଗର ଅଧ୍ୟାପିକା ଶ୍ରୀମତୀ ବୁନି ସାହୁଙ୍କ ସହଯୋଗରେ ବିଭାଗର ବରିଷ୍ଠ ପ୍ରଧ୍ୟାପକ କୃଷ୍ଣମୋହନ ପଣ୍ଡା ଏବଂ ଗଜରାଜ ପାତ୍ରଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ବିଭାଗର ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ । ଛାତ୍ର ହୃଷିକେଶ, ତରୁଣ, ଧରଣୀ, ଛାତ୍ରୀ ମନିଷା, ଅମ୍ବିକା, ବର୍ଷା, ଶୁଭଶ୍ରୀ, ଦୀପାଞ୍ଜଳୀ, ଦୀପ୍ତି, ଖଗେଶ୍ୱରୀ, ମନିଷ, ଚନ୍ଦନ, ନରୋତ୍ତମ କାର୍ଯ୍ୟକ୍ରମରେ ସହଯୋଗ କରିଥିଲେ । ଶେଷରେ ବିଦାୟୀ ପ୍ରାଧ୍ୟାପକ ଶ୍ରୀ ପଣ୍ଡା ଏବଂ ପାତ୍ର ଛାତ୍ରଛାତ୍ରୀ ମାନଙ୍କୁ ଭବିଷ୍ୟତ ଗଠନ ଏବଂ ଶୃଙ୍ଖଳା ଜ୍ଞାନ ଉପରେ ବିହିତ ଉପଦେଶ ପ୍ରଦାନ କରିଥିଲେ । ଶେଷରେ ଅଧ୍ୟାପିକା ବୁନୀ ସାହୁ ଧନ୍ୟବାଦ ଅର୍ପଣ କରିଥିଲେ ସଭା ଶେଷ ହୋଇଥିଲା ।