ସଇଁତଲା, (ପ୍ରମୋଦ ସେଲମା) : କଂଗ୍ରେସର ପ୍ରାଥମିକ ସଦସ୍ୟତା ତଥା ଜିଲ୍ଲା କଂଗ୍ରେସ କମିଟିର ସଭାପତି ପଦରୁ ଇସ୍ତଫା ଦେଇଛନ୍ତି ବଳିଷ୍ଠ ନେତା ତଥା ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ । ଦୀର୍ଘ ୩୮ ବର୍ଷ ହେଲା ସେ କଂଗ୍ରେସର ଜଣେ ଶୃଙ୍ଖଳିତ ସଦସ୍ୟ ଭାବରେ କାମ କରି ଆସୁଥିଲେ । ଶ୍ରୀ ସିଂ ଭୋଇଙ୍କ ଇସ୍ତଫା ସାରା ଓଡିଶାରେ ଚହଳ ସୃଷ୍ଟି କରିଥିବା ବେଳେ ଏହା କଂଗ୍ରେସ ପାଇଁ ବିଶେଷ କ୍ଷତି ପହଞ୍ଚାଇ ପାରେ ବୋଲି ରାଜନୀତିରେ ଚର୍ଚ୍ଚା ଜୋର୍ ଧରିଛି । ତେବେ ଶ୍ରୀ ସିଂ ଭୋଇ ତାଙ୍କ ଇସ୍ତଫା ପତ୍ର ଅଲ୍ ଇଣ୍ଡିଆ କଂଗ୍ରେସ କମିଟି ସଭାପତି ମଲ୍ଲିକାର୍ଜୁନ ଖଡ୍ଗେଙ୍କୁ ପଠାଇଥିବା ଜଣା ପଡିଛି । ତାଙ୍କ ପରବର୍ତ୍ତୀ ପଦକ୍ଷେପକୁ ନେଇ ନାନାପ୍ରକାର ଆଲୋଚନା ଚାଲିଥିବା ବେଳେ ଅତିଶୀଘ୍ର ତାହା ସ୍ପଷ୍ଟ ହେବ ବୋଲି ତାଙ୍କ ସମର୍ଥକ ମହଲରୁ ସୂଚନା ମିଳିଛି ।