ଆଠମଲ୍ଲିକ : ଅନୁଗୋଳ ଜିଲ୍ଲା ଆଠମଲ୍ଲିକ ଥାନା ସର୍ଗିଶେଣୀ ନାଳ ନିକଟରେ ବାଇକ୍ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଥିବା ଖବର ମିଳିଛି । ସୂଚନାଯୋଗ୍ୟ ଯେ, ସୋମବାର ସକାଳେ ଅନୁଗୋଳ ଜିଲ୍ଲା ମାଧପୁର ମନଜୋର୍ ରାସ୍ତାର ସର୍ଗିଣେଣୀ ଗାଁ ଦେଇ କୁଦଗାଁ ପଞ୍ଚାୟତର ମିଲନ ନାଏକ ଏବଂ ଲିଙ୍ଗରାଜ ନାଏକ ମନଜୋର୍ ଅଭିମୁଖେ ଯାଉଥିଲେ । ସର୍ଗିଣେଣୀ ନାଳଠାରେ କୌଣସି କାରଣରୁ ଭାରସାମ୍ୟ ହରାଇ ବାଇକ୍ ଦୁର୍ଘଟଣାଗ୍ରସ୍ତ ହୋଇଥିଲା । ଘଟଣାସ୍ଥଳରେ ମିଲନଙ୍କ ମୃତ୍ୟୁ ହୋଇଥିବା ବେଳେ ଲିଙ୍ଗରାଜଙ୍କୁ ନିକଟସ୍ଥ ମାଧପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଣା ଯାଇଥିଲା । ପରେ ସ୍ବାସ୍ଥ୍ୟାବସ୍ଥା ବିଗିଡିବାରୁ ଆଠମଲ୍ଲିକ ମେଡିକାଲରେ ଭର୍ତ୍ତି କରାଯାଇଛି ।