- ମାଁ କୁସଙ୍ଗେଇ ସ୍ଫେଟିଙ୍ଗ କୁଶଙ୍ଗ ୩-୧ରେ ବିଜୟୀ
ସାଲେଭଟା, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ଆଗଲପୁର (ଡୁଡୁକା) ବ୍ଳକ ବକଟି ଠାରେ ଦ୍ୱିତିୟ କିଶୋରୀ ପୁରୋହିତ ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାିଛି । ଉଦ୍ଘାଟନୀ ଉତ୍ସବରେ ବକଟୀ ବଂଶିଧର ସ୍ମାରବି ଉଚ୍ଚବିଦ୍ୟାଳୟର ଅବସରପ୍ରାପ୍ତ ଶିକ୍ଷକ ତଥା ସୃତିକମିଟି ସଭାପତି ଯୋଗେଶ୍ୱର ମିଶ୍ର ସଭାପତିତ୍ୱ କରିଥିଲେ । ଅବସରପ୍ରାପ୍ତ ସାଲେଭଟା ଏଇସ୍କୁଲ ପ୍ରଧାନ ଶିକ୍ଷକ ପ୍ରହଲ୍ଲାଦ ପୁରାହିତ ମୁଖ୍ୟଅତିଥି ଭାବରେ ଯୋଗଦାନ କରିଥିଲେ । ସେହିପରି ସାଲେଭଟା ସାମ୍ବାଦିକ ବିରାଜ ନନ୍ଦ ପାଢ଼ୀ ମୁଖ୍ୟବକ୍ତା, ନାରାୟଣ ପୁରୋହିତ ଭଗବାନ ପୁରୋହିତ, ସମ୍ମାନୀତ ଅତିଥି ଭାବରେ ଯୋଗଦାନ କରିଥିଲେ । ଅଗ୍ରପୁଜ୍ୟ ଗଣେଶ ପୁଜାର୍ଚ୍ଚନା କରାଯିବା ସହ କିଶୋରୀ ପୁରୋହିତଙ୍କ ତୈଳଚିତ୍ରରେ ମାଲ୍ୟାର୍ପଣ କରି ଏହାର ଶୁଭ ଉଦ୍ଘାଟନ କରାଯାଇଥିଲା । ବକଟି ଉଷାଦେବୀ ମଧ୍ୟ ଇଂରାଜୀ ବିଦ୍ୟାଳୟ ଖେଳପଡିଆଠାରେ ଅନୁଷ୍ଠିତ ହୋଇଥିଲା । ଏଥିରେ ମାଁ କୁସଙ୍ଗେଇ ସ୍ଫେଟିଙ୍ଗ କୁଶଙ୍ଗ ଓ ବ୍ଳିୟୁମାଉନଟେନ ଫୁଟବଲ କ୍ଳକ ବଲାଙ୍ଗିର ମଧ୍ୟରେ ଅନୁଷ୍ଠିତ ହୋଇଥିଲା । କଡାମୁକାବିଲାରେ ଶେଷ ପର୍ଯ୍ୟନ୍ତ କେହିକାହାକୁ ପରାସ୍ତ କରିପାରି ନଥିବାରୁ ଟ୍ରାଇବ୍ରେକର୍ର ସହାୟତା ନିଆଯାଇଥିଲା । ଏଥିରେ କୁଶଙ୍ଗ ଦଳ ୩ – ୧ରେ ବିଜୟ ଲାଭ କରିଥିଲେ । ବିକାଶ ଆବାସିକ ସ୍କୁଲର ଖେଳଶିକ୍ଷକ ମହେଶ କୁମାର ତ୍ରିପାଠୀ, ମଳ୍ଲଭ ମଳ୍ଲୀକ, ଦାମ୍ଭୋଦର ପଧାନ ଓ ରୋଶନ ପଧାନ ଖେଳ ପରିଚାଳନା କରିଥିଲେ । ପୁରାସ୍କାର ବିତରଣୀ ଉତ୍ସବରେ ଉଷାଦେବୀ ଏଇସ୍କୁଲର ଅବସର ପ୍ରାପ୍ତ ପ୍ରଧାନ ଶିକ୍ଷକ ଧୃବଚରଣ ପୁରୋହିତ ଯୋଗଦାନ କରିଥିଲେ । ଏଥିରେ ମାଁ ରଣେଶ୍ୱର ରାମଚଣ୍ଡି କରମା ପାର୍ଟିର ବାଦ୍ୟ ଗୁରୁ ରଘୁନାଥ ଭୋଇଙ୍କୁ ମାନପତ୍ର, ଉପଢୌକନ ଓ ପୁଷ୍ପମାଲ୍ୟ ଦେଇ କିଶୋରୀ ପୁରୋହିତ ସ୍ମାରକୀ ସମ୍ମାନରେ ସମ୍ମାନୀତ କରାଯାଇଥିଲା । କୁଶଙ୍ଗ ବିଜେତା ଓ ବଲାଙ୍ଗିର ଉପବିଜେତା ଦଳସହ ବିଏମସି ବଲାଙ୍ଗିର ଜିତୁ କୁଶଙ୍ଗର ଗୋଲକିପର ଅଂଶୁମାନ ସାହୁଙ୍କୁ ଶ୍ରେଷ୍ଠ ଖେଳାଳୀ ଭାବରେ ଅତିଥିମାନେ ଟ୍ରଫି ପ୍ରଦାନ କରି ପୁରସ୍କୃତ କରିଥିଲେ । ଦେଉଲପଦର କୃଷ୍ଣମୋହନ କମ୍ପ ହାଇସ୍କୁଲର ଖେଳ ଶିକ୍ଷକ ତଥା ଆୟୋଜକ କମିଟି ମୁଖ୍ୟ ଦିଲିପ ପୁରୋହିତ ସଭାପରିଚାଳନା କରିଥିଲେ । ସୁଚ୍ଚୀତ କୁମାର ଭୋଇ ଧନ୍ୟବାଦ ଅର୍ପଣ କରିଥିଲେ । କିଶୋରୀ ପୁରୋହିତ ସୃତୀକମିଟୀର ସମସ୍ତ କର୍ମକର୍ତ୍ତା, ସମସ୍ତ ସଭ୍ୟ ଓ ବକଟୀ ଗ୍ରାମବାସୀ ସହଯୋଗ କରିଥିଲେ ।