ଇନ୍ଦୋର : ବାର୍ଡ ଫ୍ଲୁ ସବୁଆଡେ ବ୍ୟାପିବାରେ ଲାଗିଛି । କିଛି ଦିନ ମଧ୍ୟରେ ଗୋଟିଏ ପରେ ଗୋଟିଏ ରାଜ୍ୟକୁ ନିଜର କାୟା ବିସ୍ତାର କରୁଛି ଏହି ରୋଗ । ତେବେ ମିଳିଥିବା ସୂଚନା ଅନୁସାରେ, ନିଜ ଫାର୍ମରେ କଡକନାଥ କୁକୁଡ଼ା ବ୍ୟବସାୟ କରିବାକୁ ଇଚ୍ଛା ପ୍ରକାଶ କରିଥିଲେ ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ । ତେବେ ମାହୀଙ୍କ ଏହି ଯୋଜନା ଅନୁସାରେ କୁକୁଡା ଫାର୍ମ ପାଇଁ ପାଖାପାଖି ୨୫ ଶହରୁ ଅଧିକ କୁକୁଡା କିଣିବାକୁ ଅର୍ଡର ଦିଆଯାଇଥିଲା । କିନ୍ତୁ ବାର୍ଡ ଫ୍ଲୁ ସବୁ ଆଶାକୁ ଭାଙ୍ଗି ଚୁରମାର କରିଦେଇଛି । ବାର୍ଡ ଫ୍ଲୁ କାରଣରୁ ସବୁ ଓଲଟପାଲଟ ହୋଇଗଲା । ତେବେ ଗତ ଚାରିରୁ ପାଞ୍ଚ ଦିନ ମଧ୍ୟରେ ଦେଢ଼ ହଜାରରୁ ଅଧିକ କୁକୁଡ଼ାଙ୍କର ଅଚାନକ ମୃତ୍ୟୁ ହୋଇଯାଇଛି ।