ବାଉଁଶୁଣୀ : ଶୁକ୍ରବାର ବୌଦ୍ଧ ଏସ୍ପି ରାଜ ପ୍ରସାଦଙ୍କ ନିର୍ଦ୍ଦେଶ କ୍ରମେ ବାଉଁଶୁଣୀ ଥାନା ଓ ବୌଦ୍ଧ ସ୍ପେସାଲ ସ୍କୁଆଡ ମିଳିତରେ ଗୋଛାପଡା ପଞ୍ଚାୟତ ଉଡବିଲକା ରାସ୍ତା ପାର୍ଶ୍ୱ ଅନ୍ୟ ରାଜ୍ୟକୁ ବିକ୍ରି ପାଇଁ ପ୍ରସ୍ତୁତ ହେଉଥିବା ଖବର ପାଇଥିଲେ ।
ଖବର ପାଇ ସେହି ସ୍ଥାନରେ ଚଢାଉ କରିଥିଲେ । ସେଠାରୁ ବିପୁଳ ପରିମାଣର ଗଞ୍ଜେଇ ଜବତ କରିଥିଲେ । ଏଥିରେ କାହାରିକୁ ଗିରଫ କରାଯାଇନାହିଁ । ପୁଲିସ ଚଢ଼ାଉ ହେବା ଦେଖି ଗଞ୍ଜେଇ ମାଫିଆମାନେ ଘଟଣାସ୍ଥଳରୁ ଚମ୍ପଟ ମାରିଥିଲେ । ଗଞ୍ଜେଇଗୁଡିକ ବାଉଁଶୁଣୀ ଥାନାକୁ ଆଣି ଆଜି ବୌଦ୍ଧ ଅତିରିକ୍ତ ତହସିଲଦାର ମହମ୍ମଦ ରୋଜା ରୋସୁଲ ଓଜନ କରାଯିବା ପରେ ୧୦ କ୍ଵିଣ୍ଟାଲ ୨ କେଜି ହୋଇଥିବା ଜଣାପଡିଛି । ଏ ନେଇ ବାଉଁଶୁଣୀ ଥାନାରେ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରହିଥିବା ଥାନା ଅଧୀକାରୀ ଅରୁଣ ସିଂହ କହିଛନ୍ତି ।