ସୁବର୍ଣ୍ଣପୁର, (ରାଜ କିଶୋର ତ୍ରିପାଠୀ) : ଗତକାଲି ବ୍ଲକଛକ ଦୁର୍ଗାପୂଜା କମିଟି ପକ୍ଷରୁ ଓଡ଼ିଶାର ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ତଥା ଗୀତିକାର ସ୍ଵର୍ଗତ ଅଭିଜିତ ମଜୁମଦାରଙ୍କ ନିଧନରେ ଏକ ସ୍ମୃତିସଭା ଅନୁଷ୍ଠିତ ହୋଇଯାଇଛି । କମିଟିର ସଭାପତି ଅରବିନ୍ଦ ବାରିକଙ୍କ ସଭାପତିତ୍ୱରେ ଆହୁତ ସ୍ମୃତି ସଭାରେ ସହରର ବହୁ ବିଶିଷ୍ଟ ବ୍ୟକ୍ତି ତଥା ଅନେକ ସାମାଜିକ ଓ ସାଂସ୍କୃତିକ ଅନୁଷ୍ଠାନର କର୍ମକର୍ତ୍ତା ଯୋଗଦେଇ ସ୍ଵର୍ଗତ ଅଭିଜିତ ମଜୁମଦାରଙ୍କ ସ୍ମୃତି ଚାରଣ କରିବା ସହ ଦିବଙ୍ଗତ ଆତ୍ମାର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରିଥିଲେ । ଏହି ସ୍ମୃତି ସଭାରେ ନାଟ୍ୟଶ୍ରୀ ଗଦାଧର ବାରିକ, ସମ୍ପାଦକ ନିଶାନ୍ତ କୁମାର ମହାନ୍ତି, ବଳଦେବ ପ୍ରସାଦ ବେଦବାକ, ସ୍ଵାଧିନ କୁମାର ମେହେର, ଦିଲ୍ଲୀପ ପାତ୍ର, ଶରତ ମହାପାତ୍ର, ବେଣୀମାଧବ ବେଦବାକ, ଅମିୟ ରଞ୍ଜନ ଦାଶ, ଦେବାଶିଷ ପଟ୍ଟନାୟକ, ଶ୍ରୀଧର ବାଗ, ଶୈଳେନ୍ଦ୍ର ସାହୁ, ପ୍ରମୋଦ କୁମାର ସାହୁ, ସତ୍ୟବ୍ରତ ତାଣ୍ଡି, ଜଗନ୍ନାଥ ଧାରୁଆ, ତ୍ରିଲୋଚନ ଷାଣ୍ଢ, ନାରାୟଣ ଜେନା ପ୍ରମୁଖ ଯୋଗଦେଇ ସ୍ଵର୍ଗତ ଅଭିଜିତ ମଜୁମଦାରଙ୍କ ସ୍ମୃତି ଚାରଣ କରିଥିଲେ ।