ରାଉରକେଲା, (ସସ୍ମିତା ପ୍ରଧାନ) : ସେକ୍ଟର -୧୬ ଡିଏଭି ପବ୍ଲିକ ସ୍କୁଲରେ ଶିଶୁ ଦିବସ ପାଳନ ହୋଇଯାଇଛି । ଏହି ପବିତ୍ର ଦିବସର କାର୍ଯ୍ୟକ୍ରମର ଶୁଭାରମ୍ଭ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଯଶବିନ୍ଦର କୌର ଆମନ୍ତ୍ରିତ ଅତିଥିଙ୍କ ସହ ପ୍ରଦୀପ ପ୍ରଜ୍ୱଳନ ଓ ଡିଏଭି ସଙ୍ଗୀତ ଗାନ କରି ଆରମ୍ଭ କରିଥିଲେ । ଛାତ୍ରଛାତ୍ରୀଙ୍କ ସ୍ୱାଗତ ସଙ୍ଗୀତ, ସ୍ୱାଗତ ନୃତ୍ୟ ସହ ଆକର୍ଷଣୀୟ ନୃତ୍ୟ ଓ ଗୀତିନାଟ୍ୟ ପରିବେଷଣ ହୋଇଥିଲା । ଇଂରାଜୀ, ଓଡିଆ, ହିନ୍ଦୀରେ ତିନୋଟି ଛାତ୍ରୀ ବକୃତା ପ୍ରଦାନ କରିଥିଲେ । ବିଭିନ୍ନ କାର୍ଯ୍ୟକ୍ରମରେ କୃତୀ ଛାତ୍ରଛାତ୍ରୀଙ୍କୁ ମାନପତ୍ର ସହ ପୁରସ୍କାର ପ୍ରଦାନ କରାଯାଇଥିଲା । ଛାତ୍ରଛାତ୍ରୀଙ୍କ ନିମନ୍ତେ କେତେକ ଶିକ୍ଷୟିତ୍ରୀ ମିଶି ଏକ ଗୀତିନାଟ୍ୟ କରିଥିଲେ ଏବଂ ଆନନ୍ଦ ବଜାର, ଗେମ୍ ଷ୍ଟଲ୍ ଆୟୋଜନ ହୋଇଥିଲା । ଚିତ୍ରାଙ୍କନ, କ୍ରାଫ୍ଟ ପରିଦର୍ଶନ କରାଯାଇଥିଲା । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀଙ୍କ ତତ୍ତ୍ୱାବଧାନରେ ଶିକ୍ଷକ, ଶିକ୍ଷୟିତ୍ରୀଙ୍କ ସହ ଅନ୍ୟାନ୍ୟ କର୍ମଚାରୀଙ୍କ ସହଯୋଗରେ କାର୍ଯ୍ୟକ୍ରମ ଆକର୍ଷଣୀୟ ହେବା ସହ ଶାନ୍ତିଶୃଙ୍ଖଳାର ସମାପନ ହୋଇଥିଲା ।