ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସଦର ଥାନା ଦୁଆନପାଲି ଗାଁରେ ଏକ ଅଭାନୀୟ ଘଟଣା ଘଟିଛି । ପ୍ରେମିକାଙ୍କ ଘର ସମ୍ମୁଖରେ ପ୍ରେମିକଙ୍କ ସନ୍ଦେହଜନକ ମୃତ୍ୟୁ ଘଟିଛି । ମୃତ ଯୁବକ ଜଣକ କୁମପଥର ଗାଁର ବୋଲି ଜଣାପଡିଛି । ଯୁବକଙ୍କ ପେଟରେ ଗଭୀର ଆଘାତ ଲାଗିଛି । ଯୁବକ ଜଣକ ନିଜ ପେଟରେ ଛୁରୀ ଭୁଷି ଆତ୍ମାହତ୍ୟା କରିଥିବା ପ୍ରେମିକାଙ୍କ ପରିବାର ଲୋକେ କହିଛନ୍ତି । ଅନ୍ୟପକ୍ଷରେ ପ୍ରେମିକଙ୍କ ଘର ଲୋକେ ହତ୍ୟା ସନ୍ଦେହ କରିଛନ୍ତି । ସଦର ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଆରମ୍ଭ କରିଛି । ସଂପୃକ୍ତ ଯୁବକ ଓ ଯୁବତୀଙ୍କ ଭିତରେ ଦୀର୍ଘ ବର୍ଷ ହେଲା ପ୍ରେମ ସମ୍ପର୍କ ଥିବା ନେଇ ଜଣାପଡିଥିବା ବେଳେ ଏହାକୁ ଉଭୟଙ୍କ ପରିବାର ବିରୋଧ କରୁଥିବା ଜଣାପଡିଛି ।