ମାଲକାନଗିରି/କାଲିମେଳା : ମୋଟୁ କାଲିମେଳା ୩୨୬ ନମ୍ବର ଜାତୀୟ ରାଜପଥ ଏମ୍ ଭି ୭୬ ଗ୍ରାମ ପେଟ୍ରୋଲ ପମ୍ପ ନିକଟରେ ଗତକାଲି ଭୋରରୁ ଦୁର୍ଘଟଣାରେ ଓଲଟିଥିବା ମାଛ ବୋଝେଇ ଟ୍ରକକୁ ଜେସିବି ଦ୍ୱାରା ପୁଲିସ ଉଦ୍ଧାର କରି ତଦନ୍ତ ଆରମ୍ଭ କରିଛି । ଘଟଣାରୁ ପ୍ରକାଶ ଯେ, ଆନ୍ଧ୍ରପ୍ରଦେଶରୁ ଓଡ଼ି୨୪ଏଚ୬୮୩୨ ନମ୍ବରର ଏକ ମାଛ ବୋଝେଇ ମିନିଟ୍ରକ ନବରଙ୍ଗପୁର ଜିଲ୍ଲା ଉମରକୋଟ ଅଭିମୁଖେ ଯାଉଥିବା ବେଳେ ଭାରସାମ୍ୟ ହରାଇ ଏମଭି୭୬ ଗ୍ରାମ ରାସ୍ତା ନିକଟରେ ଥିବା ଏକ ବୃକ୍ଷରେ ଧକ୍କା ଲାଗି ଓଲଟି ପଡିଥିଲା । ଭୋର୪ ଟା ସମୟ ହୋଇଥିବାରୁ ଚାଳକର ଆଖି ପଡିବାରୁ ଦୁର୍ଘଟଣା ହୋଇଥିବା ଅନୁମାନ କରାଯାଉଛି । ଦୁର୍ଘଟଣାରେ ଜଣେ ସାମାନ୍ୟ ଆହତ ହୋଇଥିବା ବେଳେ ଅନ୍ୟ କାହାରି ବିଶେଷ ଆଘାତ ହୋଇ ନଥିବା ଜଣାପଡିଛି । ଘଟଣା ସ୍ଥଳରେ ଏମ୍ ଭି ୭୯ ଥାନା ଅଧିକାରୀ ମୁକୁନ୍ଦ ମେଲକା ଓ ପୁଲିସ ସଦଳବଳ ପହଁଛି ଜେସିବି ସାହାଯ୍ୟରେ ଦୁର୍ଘଟଣାଗ୍ରସ୍ତ ଟ୍ରକ ଟିକୁ ଉଦ୍ଧାର କରି ଗାଡି ମାଲିକଙ୍କ ନିକଟକୁ ଖବର ପଠାଇ ତଦନ୍ତ ଆରମ୍ଭ କରିଛନ୍ତି ।