ଲାଞ୍ଜିଗଡ଼ : ବିଦ୍ୟାଳୟ ଓ ଗଣଶିକ୍ଷା ବିଭାଗ ଦ୍ୱାରା ଲାଞ୍ଜିଗଡ଼ ବ୍ଲକ ବିଶ୍ୱନାଥପୁରସ୍ଥିତ ଗୋପବନ୍ଧୁ ହାଇସ୍କୁଲ ପରିସରରେ ବ୍ଲକସ୍ତରୀୟ ବିଜ୍ଞାନଭିତ୍ତିକ ଆଲୋଚନାଚକ୍ର ଆୟୋଜିତ ହୋଇଯାଇଛି । ବ୍ଲକସ୍ତରୀୟ ଏଇ କାର୍ଯ୍ୟକ୍ରମରେ ସଂପୋଷଣୀୟ ବିକାଶ ପାଇଁ ବିଜ୍ଞାନ, ଏହାର ଆହ୍ୱନ ଓ ସମ୍ଭାବନା ଶୀର୍ଷକ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ମୁଖ୍ୟଅତିଥି ଭାବେ ଗୋପବନ୍ଧୁ ହାଇସ୍କୁଲର ପ୍ରଧାନଶିକ୍ଷକ ନରସିଂହ ପାତ୍ର ଯୋଗ ଦେଇଥିବା ବେଳେ ବିଚାରକ ଭାବେ ପାଣିମୁଣ୍ଡା ହାଇସ୍କୁଲର ବିଜ୍ଞାନ ଶିକ୍ଷକ ନୀଳାମ୍ବର ସରାଫ ଓ ଗୋପବନ୍ଧୁ ହାଇସ୍କୁଲର ବିଜ୍ଞାନ ଶିକ୍ଷୟିତ୍ରୀ ସୁଜାତା ମଲ୍ଲିକ ଦାୟିତ୍ୱ ତୁଲାଇଥିଲେ । ଏଥିରେ ବ୍ଲକ ଅଞ୍ଚଳର ୧୪ ଗୋଟି ହାଇସ୍କୁଲର ଛାତ୍ରଛାତ୍ରୀ ଭାଗ ନେଇଥିବା ବେଳେ ପାଣିମୁଣ୍ଡା ହାଇସ୍କୁଲର ଦଶମ ଶ୍ରେଣୀ ଛାତ୍ରୀ ଯଶୋଦା ବାଗ ପ୍ରଥମ, ଲାଞ୍ଜିଗଡ଼ ରୋଡ଼ ହାଇସ୍କୁଲର ଛାତ୍ର ଦ୍ୱିତୀୟ ଏବଂ ପାହାଡ଼ପଦର ହାଇସ୍କୁଲର ଛାତ୍ର ରୋହିତ କୁମାର ଦୁର୍ଗା ତୃତୀୟ ସ୍ଥାନ ଅଧିକାର କରି ଅତିଥିମାନଙ୍କଠାରୁ ପୁରସ୍କୃତ ହୋଇଥିଲେ । ଏଇ ଅବସରରେ ବେନଗାଁ ହାଇସ୍କୁଲର ବିଜ୍ଞାନଶିକ୍ଷକ ପ୍ରଶାନ୍ତ ନନ୍ଦ କାର୍ଯ୍ୟକ୍ରମ ପରିଚାଳନା କରିଥିଲେ ।