ଆଠମଲ୍ଲିକ : ଭାଲୁ ଆକ୍ରମଣରେ ଜଣେ ଗୁରୁତର ହୋଇଥିବା ଜଣାପଡିଛି । ଅନୁଗୁଳ ଜିଲ୍ଲା ଆଠମଲ୍ଲିକ ବନଖଣ୍ଡ ହଣ୍ଡପା ରେଞ୍ଜର ଟକବା ଗ୍ରାମର ଅମୁଲ୍ୟ ପୃଷ୍ଟିଙ୍କୁ ଏକ ଭାଲୁ ଆକ୍ରମଣ କରିଛି । ସୂଚନାନୁଯାୟୀ, ଆଠମଲ୍ଲିକ ବନଖଣ୍ଡ ହଣ୍ଡପା ରେଞ୍ଜର ଟକବା ଗ୍ରାମର ଅମୁଲ୍ୟ ପୃଷ୍ଟି ଆଜି ତାଙ୍କ ବାଡ଼ି ପଛ ପାଖ ଜଙ୍ଗଲରୁ ଜାଳେଣି କାଠ ସଂଗ୍ରହ କରୁଥିବା ସମୟରେ ଏକ ଭାଲୁ ହାବୁଡ଼ରେ ପଡି ଯାଇଥିଲେ । ଭାଲୁ ଅମୁଲ୍ୟଙ୍କ ଡାହାଣ ଗୋଡ଼କୁ କାମୁଡି ଦେଇଥିଲା । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କିଶୋରନଗର ମେଡ଼ିକାଲରେ ଭର୍ତ୍ତି କରାଯାଇଛି । ଅମୁଲ୍ୟଙ୍କୁ ବନ ବିଭାଗ ତରଫରୁ ଚିକିତ୍ସା ସହାୟତା ଯୋଗାଇ ଦେବାକୁ ଦାବୀ ହେଉଛି । ସ୍ଥାନୀୟ ଅଞ୍ଚଳରେ ହାତୀ ଓ ଭାଲୁଙ୍କର ଉପଦ୍ରବ ଜାରି ରହିଛି । ତେଣୁ ଗ୍ରାମବାସୀମାନେ ଭୟଭୀତ ଅବସ୍ଥାରେ ଅଛନ୍ତି ।