ବଲାଙ୍ଗିର, (କେପିଏନ୍ଏସ୍) :୧୫୦ ଖଣ୍ଡ ବଲି ବୋଝେଇ ଏକ ଟ୍ରାକ୍ଟର ଜବତ୍ କରିଛି ବଲାଙ୍ଗିର ବନ ବିଭାଗ । ସୂଚନା ଅନୁସାରେ କୌଣସି ବିଶ୍ୱସ୍ତ ସୂତ୍ରରୁ ଖବର ପାଇ ବଲାଙ୍ଗିରବନ ବିଭାଗ ଗତକାଲି ଅପରାହ୍ନରେ ନିକଟସ୍ଥ ଭୀମଡ଼ୁଙ୍ଗୁରି ଗାଁରେ ଚଢ଼ାଉ କରି ୧୫୦ ଖଣ୍ଡ ଗ୍ରୀନ୍ ପୋଲ୍(ବଲି) ବୋଝେଇ ଏକ ଟ୍ରାକ୍ଟର(ଓଆର୍୦୩ଜି୧୪୨୬)କୁ ଜବତ କରିଛି । ବଲାଙ୍ଗିର ରେଂଜର କେ.କେ.ନାଏକଙ୍କ ନିର୍ଦେଶ କ୍ରମେ ଫରେଷ୍ଟର ବ୍ୟାସଦେବ ସାହୁ, ଜେନା ରାଉତ, ଫରେଷ୍ଟ ଗାର୍ଡ ଅଶୋକ ସେଠ, ରଂଜିତ କୁମ୍ଭାର ଓ ପାରା ଫରେଷ୍ଟ ସ୍କ୍ୱାର୍ଡ ଏହି ଚଢ଼ାଉରେ ସାମିଲ୍ ଥିଲେ ।