କଂଟାବାଂଜି, (ମନୀଷ କୁମାର ହଂସ) : କଂଟାବାଂଜି-ତୁରେକେଲା ପି.ଡବ୍ଲୁ.ଡି. ରାସ୍ତାର ଦାବୀରି ମାଝିପଡା ବରଗଛ ନିକଟରେ ଆଜି ସଂଧ୍ୟା ପ୍ରାୟ ୭ଘଂଟା ସମୟରେ ଏକ ବୁଲା ଷଣ୍ଢ ଯୋଗୁଁ ବାଇକ ଚାଲକ ଦୁର୍ଘଟଣାର ଶିକାର ହୋଇଛନ୍ତି । ବାଇକ ଚାଲକ ଦୁଇ ଜଣ ତୁରେକେଲାରୁ କଂଟାବାଂଜି ରେଲଷ୍ଟେସନକୁ ଅହମ୍ମଦାବାଦ-ପୁରୀ ଏକ୍ସପ୍ରେସ ଟ୍ରେନ ଯୋଗେ ନିଜ ଗାଁ ପୁରୀକୁ ଯିବା ପାଇଁ ଆସୁଥିଲେ । ବାଇକ ଯୋଗେ ଆସୁଥିବା ବେଳେ ହଠାତ୍ ଏକ ଷଣ୍ଢ ବାଇକ ସାମ୍ନାକୁ ଆସିବାରୁ ଦୁର୍ଘଟଣା ଘଟିଛି । ଘଟଣାସ୍ଥଳରେ ମୁମୁର୍ଷୁ ଅବସ୍ଥାରେ ପଡିଥିବା ବେଳେ ତୁରେକେଲା ପଟୁ କଂଟାବାଂଜି ଆସୁଥିବା କଂଟାବାଂଜି ଅଗ୍ନିଶମ ବିଭାଗର କର୍ମଚାରୀମାନେ ଦେଖି ତୁରନ୍ତ ସ୍ଥାନୀୟ ଡାକ୍ତରଖାନାକୁ ପ୍ରାଥମିକ ଚିକିତ୍ସା ପାଇଁ ଆଣି ଭର୍ତ୍ତି କରିଥିଲେ । ଗୋଟିଏ ବାଇକରେ ଦୁଇ ଜଣ ଥିବା ବେଳେ ଜଣେ ଆର୍ମୀରେ କାର୍ଯ୍ୟରତ ଏସପିଆର ଗୌତମ ପ୍ରଧାନ (୩୨)ଙ୍କ ମୁହଁରେ ଆଘାତ ଲାଗି ପ୍ରବଳ ରକ୍ତଶ୍ରାବ ହେଉଥିବା ବେଳେ ଅନ୍ୟ ଜଣେ ତୁରେକେଲାର ନିରାକର ସଜ୍ଞାହୀନ ହୋଇପଡି ଚିକିତ୍ସିତ ହେଉଥିବା ଜଣାପଡିଛି । ଏହି ଦୁଇ ଜଣଙ୍କୁ ସ୍ଥାନୀୟ ଡାକ୍ତରଙ୍କ ଦ୍ୱାରା ଚିକିତ୍ସିତ କଲା ପରେ ଅବସ୍ଥା ଗୁରୁତର ହେବାରୁ ବଲାଙ୍ଗିର ବଡ ଡାକ୍ତରଖାନାକୁ ପଠାଇ ଦିଆଯାଇଥିବାର ଜଣାପଡିଛି ।
