ls

ପୋଷଣ ପକ୍ଷ ଉଦ୍‌ଯାପନୀ ସମାରୋହ

a12
  • ଶ୍ରୀଅନ୍ନ ‘ମାଣ୍ଡିଆ’କୁ ନବାନ୍ନ ଭକ୍ଷଣରେ ସ୍ଥାନିତ କରିବାକୁ ଗୁରୁତ୍ୱାରୋପ

ସୁବର୍ଣ୍ଣପୁର, (କେପିଏନ୍‌ଏସ୍‌) : ମାର୍ଚ୍ଚ ୨୦ ଠାରୁ ଏପ୍ରିଲ ୩ ତାରିଖ ପର୍ଯ୍ୟନ୍ତ ପୋଷଣ ପକ୍ଷ ପାଳନ କରାଯାଇ ଜିଲ୍ଲା ସମାଜ ମଙ୍ଗଳ ବିଭାଗ ପକ୍ଷରୁ ବହୁବିଧ କାର୍ଯ୍ୟକ୍ରମମାନ ଗ୍ରହଣ କରାଯାଇଛି । ଏହି ପରିପେକ୍ଷୀ ଆଜି ଜିଲ୍ଲାରେ ପୋଷଣ ପକ୍ଷ ପାଳନର ଉଦ୍‌ଯାପନୀ ସମାରୋହ ଜିଲ୍ଲାପାଳ ସୁବର୍ଣ୍ଣପୁରଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାଶ ଯୋଗଦାନ କରି ପୋଷକ ତତ୍ୱ ପୂର୍ଣ୍ଣ ଖାଦ୍ୟ ଶ୍ରୀଅନ୍ନ ମାଣ୍ଡିଆକୁ ନବାନ୍ନ ଭକ୍ଷଣରେ ସାମିଲ କରିବାକୁ ଗୁରୁତ୍ୱାରୋପ କରିଛନ୍ତି । ଏହି ଅବସରରେ ଅନୁଷ୍ଠିତ ସମାରୋହରେ ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ନିଶି ପୁନମ ମିଞ୍ଜ, ଭାରପ୍ରାପ୍ତ ଉପଜିଲ୍ଲାପାଳ ସୋନପୁର ଖଦାଲ ପାତ୍ର, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ, ଜିଲ୍ଲା କାର୍ଯ୍ୟକ୍ରମ ପରିଚାଳକ ମିଶନ ଶକ୍ତି ଫ୍ରାନସିସ ବାର୍ଲା, ଜିଲ୍ଲା ସଂସ୍କୃତି ଅଧିକାରୀ ଯମୁନା ପ୍ରଧାନ, ଜିଲ୍ଲା ଶିଶୁ ସୁରକ୍ଷା ବିଭାଗର ଅଧିକାରୀ କେଶବ ଚନ୍ଦ୍ର ମେହେର ପ୍ରମୁଖ ଯୋଗ ଦେଇଥିଲେ । ଶ୍ରୀଅନ୍ନ ମାଣ୍ଡିଆରେ ପ୍ରସ୍ତୁତ ଖାଦ୍ୟ ଶିଶୁ ଏବଂ ଗର୍ଭବତୀ ମା’ମାନଙ୍କର ଶାରୀରିକ ଓ ମାନସିକ ବିକାଶରେ ବିଶେଷ ସହାୟକ ହେଉଥିବା ଅତିଥି ବୃନ୍ଦ ମତବ୍ୟକ୍ତ କରିଥିବା ବେଳେ ଶ୍ରୀଅନ୍ନ ମାଣ୍ଡିଆ ପ୍ରସ୍ତୁତ ଖାଦ୍ୟକୁ ଜିଲ୍ଲାର ପ୍ରତ୍ୟେକ ସ୍ତରରେ ବ୍ୟବହାର କରିବାପାଇଁ ଅନୁରୋଧ କରି ମାଣ୍ଡିଆ ଚାଷକୁ ଜିଲ୍ଲାରେ ଯେପରି ଆଗକୁ ନିଆଯାଇ ପାରିବ ଅତିଥିବୃନ୍ଦ ମତବ୍ୟକ୍ତ କରିଥିଲେ । ଏହି ଅବସରରେ ପୋଷକ ତତ୍ଵ ସମ୍ମିଳିତ milet (ମାଣ୍ଡିଆ) ଜାତୀୟ ଖାଦ୍ୟ ମାଣ୍ଡିଆ ଦ୍ୱାରା ପ୍ରସ୍ତୁତ ବିଭିନ୍ନ ପ୍ରକାରର ଖାଦ୍ୟ ପସରାର ପ୍ରଦର୍ଶନୀ ଜିଲ୍ଲାର ୬ଟି ବ୍ଲକର ଶିଶୁବିକାଶ ପ୍ରକଳ୍ପ ଅଧୀନରେ ଥିବା ଅଙ୍ଗନୱାଡି କର୍ମୀ, ସହକର୍ମୀ ତଥା ମା’ମାନଙ୍କ ଦ୍ୱାରା ପ୍ରଦର୍ଶନ କରାଯାଇଥିଲା । ଏହି ଚାଷ ପ୍ରତି ଅଧିକରୁ ଅଧିକ ଚାଷୀ ଯେପରି ଏହି ଚାଷ ପ୍ରତି ଆଗ୍ରହ ରଖିବେ ସେଥିପାଇଁ ଗ୍ରାମାଞ୍ଚଳରେ ଥିବା କୃଷି ଅଧିକାରୀ, ଆଶା ଓ ଅଙ୍ଗନୱାଡି କର୍ମୀ ଜନସାଧାରଣଙ୍କୁ ସଚେତନତା କରାଇବାକୁ ପରାମର୍ଶ ଦେଇଛନ୍ତି ମୁଖ୍ୟ ଅତିଥି ଶ୍ରୀ ଦାଶ । ଜିଲ୍ଲା ସମାଜ ମଙ୍ଗଳ ଅଧିକାରୀ ଶ୍ରୀମତୀ ରେଣୁବାଳା ଦାଶଙ୍କ ପୌରାହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ନିବେଦିତା ସରାଫ ସିଡ଼ିପିଓ ସୋନପୁର କାର୍ଯ୍ୟକ୍ରମ ପରିଚାଳନା କରିଥିବା ବେଳେ କାର୍ଯ୍ୟକ୍ରମ ଅଧିକାରୀ ଶ୍ରୀମତୀ ଅନିତା ଗୁରୁ ପୋଷଣ ପକ୍ଷ ପାଳନରେ ବିଭିନ୍ନ ସ୍ତରରେ କରାଯାଇଥିବା କାର୍ଯ୍ୟକ୍ରମର ବିଷୟବସ୍ତୁ ଉପରେ ପୁଙ୍ଖାନୁପୁଙ୍ଖ ଉପସ୍ଥାପନା କରିଥିଲେ । ଉକ୍ତ କାର୍ଯ୍ୟକ୍ରମରେ ପୋଷଣ ଜିଲ୍ଲା ପ୍ରକଳ୍ପ ସଂଯୋଜକ ସଂଜୀବ କୁମାର ମିଶ୍ର, ପୋଷଣ ଜିଲ୍ଲା ମୋହନ କୁମାର ମେହେର, ସମସ୍ତ ସିଡିପିଓ, ସୁପରଭାଇଜର, ଅଙ୍ଗନୱାଡି କର୍ମୀ ଉପସ୍ଥିତ ଥିଲେ । ପକ୍ଷ ପାଳନ ପରିପ୍ରେକ୍ଷୀରେ ଅନୁଷ୍ଠିତ ପ୍ରବନ୍ଧ ପ୍ରତିଯୋଗିତାରେ କୃତି ପ୍ରତିଯୋଗୀ ପ୍ରଥମ ସ୍ଥାନ ବର୍ଷା ସାହୁ, ସାଗରପାଲି ଗଙ୍ଗାଧର ମେହେର ଉଚ୍ଚ ବିଦ୍ୟାଳୟ ଦ୍ୱିତୀୟ ସ୍ଥାନ ଅନ୍ୟାଷା ଦିକ୍ଷୀତ, ଏସଏସଭିଏମ, ସୋନପୁର ଓ ତୃତୀୟ ସ୍ଥାନରେ ସିମରନ ଶୁଭ୍ର ପୂଝାରି ଓ ସୁସ୍ଥ ସବଳ ଓ ସମ୍ପୂର୍ଣ୍ଣ ଟୀକା ନେଇଥିବା ଶିଶୁ ବିନକାର ଅପର୍ଣ୍ଣା ରାଣୀ ପାଣ୍ଡେ, ବୀରମହାରାଜପୁରର ପ୍ରଭାସ ମେହେର, ଡୁଙ୍ଗୁରିପାଲିର ଆମୟରା ଆଶିଷ ବିଶି, ସୋନପୁରର ସ୍ୱାସ୍ତିକ କୁମାର ଦାସ, ଉଲୁଣ୍ଡାର ଆୟାଂଶ ରଣା, ତରଭାର ଅର୍ପିତା ସେଠିଙ୍କୁ ପୁରସ୍କୃତ କରାଯାଇଥିଲା ।

manabhanjan
Leave A Reply

Your email address will not be published.