- ପୂର୍ବତନ ସରପଞ୍ଚ ପ୍ରବୀଣ ଦାଶଙ୍କ ମହତ କାର୍ଯ୍ୟ
ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଦହିଗାଁ ଗ୍ରାମ ପଞ୍ଚାୟତଠାରେ ନିଆରା ଢଙ୍ଗ ଓ ନୂତନ ବାର୍ତ୍ତା ଦେଇ ପୂର୍ବତନ ସରପଞ୍ଚ ପ୍ରବୀଣ କୁମାର ଦାଶ ନୂତନ ବର୍ଷ ପାଳନ କରିଛନ୍ତି । ଯୁବପିଢ଼ି ପାଇଁ ଏହି ବାର୍ତ୍ତା ଦେଇଛନ୍ତି ଦହିଗାଁ ଗ୍ରାମ ପଞ୍ଚାୟତର ସବୁ ନାଗରିକମାନେ ପଥଭ୍ରଷ୍ଟ ନ ହୋଇ ସଠିକ ଭାବରେ କାର୍ଯ୍ୟ କରି ନିଜର ବହୁ ମୂଲ୍ୟବାନ ଜୀବନ ଅତିବାହିତ କରନ୍ତୁ ଏବଂ ଭଗବାନଙ୍କ ଠାରେ ଏହା ପ୍ରାର୍ଥନା କରିଛନ୍ତି ଯେ, ପଞ୍ଚାୟତବାସୀ ହସଖୁସିରେ ରହନ୍ତୁ । ଶ୍ରୀ ଦାଶଙ୍କ ଆଉ ଗୋଟିଏ କାର୍ଯ୍ୟ ଦେଖିବାକୁ ମିଳିଥିଲା । ଦହିଗାଁ ଗ୍ରାମର ବରିଷ୍ଠ ନାଗରିକ ଓ ଭାଗବତ ପ୍ରେମୀ ଯୁବକମାନଙ୍କୁ ନେଇ ଗୀତା ଓ ପୂରାଣ ପଠନ କାର୍ଯ୍ୟକ୍ରମ ହୋଇଥିଲା । ଏଥିରେ ଦହିଗାଁର କ୍ଷୀରୋଦ୍ର ପଟେଲ, ମଣି ପଧାନ, ଶାନ୍ତି ପଟେଲ, ଈଶ୍ୱର ସାହୁ, ଚନ୍ଦ୍ର ହାସ୍ୱ ସାହୁ, ଭୋଳାନାଥ ପାତ୍ର, ବିରଂଚି ସେଠ, ତେଜ ପାତ୍ର, ଚନ୍ଦ୍ରମଣି ପଟେଲ, ଆଲେକ ବାରିକ, ନିରଞ୍ଜନ ସାହୁ, ନିରାକାର ଭୋଇ ଓ ବହୁ ଭାଗବତ ପ୍ରେମୀ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଶ୍ରୀ ଦାଶଙ୍କ ଏପରି ନିଆରା ପଦକ୍ଷେପକୁ ସବୁଆଡେ ପ୍ରଂଶସାର ସୁଅ ଛୁଟୁଛି ।