
ବେଳପଡ଼ା, (ଭୋଜରାଜ ଦଣ୍ଡସେନା) : ବଲାଙ୍ଗିର ଜିଲ୍ଲା ବେଲପଡ଼ା ଥାନା ଅନ୍ତର୍ଗତ ପର୍ଲିମାଲରେ ଜଣେ ଚାଷୀଙ୍କ ମୋଟର ଚୋରି ହେଇଥିବା ଜଣାପଡ଼ିଛି । ସୂଚନା ଯୋଗ୍ୟ ଯେ, ଚାଷୀ ଆଲୋକ ପାଣିଗ୍ରାହୀଙ୍କ ପର୍ଲିମାଲରେ ଥିବା ବଗିଚା ତଥା ଚାଷ ଜମିରେରେ ପାଣି ମଡେଇବା ପାଇଁ ନିଜସ୍ୱ ଖର୍ଚ୍ଚରେ ଏକ ବୋରେୱେଲ ଖନନ କରିଥିଲେ ଏବଂ ସେଠାରେ ୧.୫ ଏଚ୍.ପିର ଏକ ମୋଟର ଲଗାଇଥିଲେ । କିନ୍ତୁ ଗତକାଲି ରାତିରେ କିଛି ଦୁର୍ବୃତ୍ତ ସେଠାରେ ଥିବା ମୋଟର, ମୋଟର ତାର, ପେନାଲ ବୋର୍ଡ ଆଦି ଚୋରି କରି ନେଇଛନ୍ତି । ଶ୍ରୀ ପାଣିଗ୍ରାହୀଙ୍କ କହିବା ଅନୁଯାୟୀ, ସେ ବହୁତ କଷ୍ଟରେ ବୋର୍ ଖନନ କରିଥିଲେ ଏବଂ ନୂତନ ମୋଟର କିଣିବା ପାଇଁ ଏବେ ତାଙ୍କ ପକ୍ଷେ ସମ୍ଭବ ନାହିଁ । କିନ୍ତୁ ଗଛରେ ପାଣି ନଦେଲେ ସମସ୍ତ ଗଛ ମରିଯିବ ଓ ତାଙ୍କ ଏତେ ଦିନର ପରିଶ୍ରମ ବୃଥା ହେଇଯିବ ବୋଲି ଜଣାଇଛନ୍ତି । ଏନେଇ ସେ ବେଲପଡ଼ା ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ଶ୍ରୀ ପାଣିଗ୍ରାହୀ ପୋଲିସ ଘଟଣାକୁ ଗୁରୁତର ସହ ନେଇ ଅଭିଯୁକ୍ତକୁ ଧରିବାକୁ ଅନୁରୋଧ କରିବା ସହ ଏନେଇ ଦରକାର ହେଲେ ଜିଲ୍ଲା ଆରକ୍ଷୀ ଅଧିକାରୀ ମଧ୍ୟ ସାକ୍ଷାତ କରିବେ ବୋଲି କହିଛନ୍ତି ।