ରାଉରକେଲା, (ସସ୍ମିତା ପ୍ରଧାନ) : ନିଖିଳ ଉତ୍କଳ ଖଣ୍ଡାୟତ କ୍ଷତ୍ରୀୟ ମହାସଭା ରାଉରକେଲା ଆନୁକୂଲ୍ୟରେ ଖଣ୍ଡାୟତ କ୍ଷତ୍ରୀୟ ମହାସଭାର ରାଜ୍ୟ ସମ୍ମିଳନୀ ସେକ୍ଟର ୫ସ୍ଥିତ ଭଞ୍ଜଭବନଠାରେ ଅନୁଷ୍ଠିତ ହୋଇଯାଇଛି । ମହାସଭାର ଉପସଭାପତି ଉପେନ୍ଦ୍ର କୁମାର ନାୟକ ଓ ସାଧାରଣ ସମ୍ପାଦକ ଶଶଧର ପାତ୍ରଙ୍କ ଆବାହକତ୍ଵ ତଥା ମୁଖପାତ୍ର କୁଞ୍ଜବିହାରୀ ରାଉତଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ଖଣ୍ଡାୟତ କ୍ଷତ୍ରୀୟ ସମାଜର ରାଜା ସଭାପତି ସରୋଜ ସିଂହ ଅଧ୍ୟକ୍ଷତା କରିଥିଲେ । କାର୍ଯ୍ୟକ୍ରମରେ ଉଦ୍ଘାଟକ ଭାବେ ପ୍ରାକ୍ତନ କେନ୍ଦ୍ରମନ୍ତ୍ରୀ ଦିଲ୍ଲୀପ ରାୟ, ପ୍ରାକ୍ତନ ମନ୍ତ୍ରୀ ତଥା ଜଟଣୀ ବିଧାୟକ ସୁରେଶ କୁମାର ରାଉତରାୟ, ସ୍ୱତନ୍ତ୍ର ଅତିଥି ଭାବେ ମାନ୍ୟବର ସାଂସଦ ତଥା ପ୍ରତିରକ୍ଷା ସଂସଦୀୟ କମିଟିର ଅଧ୍ୟକ୍ଷ ଜୁଏଲ ଓରାମ, ପ୍ରାକ୍ତନ ମନ୍ତ୍ରୀ ତଥା ରଘୁନାଥପାଲି ବିଧାୟକ ସୁବ୍ରତ ତରାଇ, ମୁଖ୍ୟବକ୍ତା ଭାବେ ସେବା ନିବୃତ୍ତ ପ୍ରାଧ୍ୟାପକ ଡ. ପ୍ରଭାତ କୁମାର ମଲ୍ଲିକ, ସମ୍ମାନିତ ଅତିଥି ଭାବେ ରାଜ୍ୟ ଯୁବ ସଭାପତି ଦିଲ୍ଲୀପ କୁମାର ବିଶ୍ୱାଳ ଓ ରାଜ୍ୟ ଯୁଗ୍ମ ସମ୍ପାଦକ ରଜନୀକାନ୍ତ ମୁଦୁଲି ଯୋଗଦେଇ ଥିଲେ । ମୁଖ୍ୟ ଅତିଥି ଶ୍ରୀ ରାଉତରାୟ ନିଜର ସ୍ୱଭାବ ସୁଲଭ ଢଙ୍ଗରେ ଖଣ୍ଡାୟତ ଜାତିର କାର୍ଯ୍ୟକଳାପ ଉପରେ ଆଲୋଚନା କରିଥିଲେ । ସ୍ୱତନ୍ତ୍ର ଅତିଥି ଓ ସମ୍ମାନିତ ଅତିଥିଗଣ ଜାତିର ଆଭିମୁଖ୍ୟ ତଥା ଜାତି ଭାଇମାନଙ୍କ ମଧ୍ୟରେ ଐକ୍ୟବଦ୍ଧତା ଉପରେ ଗୁରୁତ୍ୱରୋପ କରିଥିଲେ । ମୁଖ୍ୟବକ୍ତା ଇତିହାସ ବିଭାଗର ପ୍ରାଧ୍ୟାପକ ଡ. ମଲ୍ଲିକ ଖଣ୍ଡାୟତ କ୍ଷତ୍ରୀୟମାନଙ୍କର ଐତିହ୍ୟ, ପରମ୍ପରା ଓ ବୀରତ୍ୱ ଗାଥା ଉପରେ ଆଲୋଚନା କରିଥିଲେ । ସେ ବିଭିନ୍ନ ଉପାଦେୟ ତଥ୍ୟ ମାଧ୍ୟମରେ ଜୟ ଶିଳାଲେଖ, କପିଳେନ୍ଦ୍ର ଦେବ, ଦିବ୍ୟସିଂହ ଦେବ, ନେଇ ରାଉତରାୟ, ଆଳି ଓ ପଟିଆ ରାଜବଂଶ, ପଦବୀ ପଛରେ ଐତିହ୍ୟ ସମ୍ପର୍କରେ ଆଲୋକପାତ କରିବା ସହ ଇତିହାସକୁ ବହୁ କ୍ଷେତ୍ରରେ ବିକୃତ କରାଯାଇଛି ବୋଲି ମତ ରଖିଥିଲେ । ସାଧାରଣ ସମ୍ପାଦକ ଶ୍ରୀ ପାତ୍ର ସମ୍ପାଦକୀୟ ବିବରଣୀ ସହ ପାଇକ ବା କଳିଙ୍ଗ ରେଜିମେଣ୍ଟ କରିବା ପାଇଁ ଦାବୀ ଉଠାଇଥିଲେ । ଏହା ସହ ଖଣ୍ଡାୟତ ଜାତିକୁ ଓବିସିରେ ଅନ୍ତର୍ଭୁକ୍ତ ଓ ସଂଗ୍ରାହଳୟ ପ୍ରତିଷ୍ଠା ପାଇଁ ଦାବୀ କରିଥିଲେ । ପ୍ରାରମ୍ଭରେ ଖଣ୍ଡାୟତ କ୍ଷତ୍ରୀୟ ମହିଳା ମୀନତି ବିଶ୍ୱାଳ, ସସ୍ମିତା ପ୍ରଧାନଙ୍କ ନେତୃତ୍ୱରେ ମହିଳା ମାନେ ପାଟଖଣ୍ଡା ବାରହାତ ଖଡ୍ଗକୁ ଶୋଭାଯାତ୍ରର ନେତୃତ୍ୱ ନେଇ ଭଞ୍ଜଭଵନଠାରେ ପହଞ୍ଚିଥିଲେ । ଏଥିରେ ବହୁ ମହିଳା ଓ ଜାତି ଭାଇମାନେ ଅଂଶଗ୍ରହଣ କରିଥିଲେ । ସେଠାରେ ମୁଖ୍ୟ ଅତିଥି ଓ ଅନ୍ୟ ଅତିଥିମାନେ ଜାତି ଧ୍ୱଜ୍ଜା ଉତ୍ତୋଳନ କରିଥିଲେ । ଗୁରୁ ଜ୍ୟୋତିର୍ମୟ ଆଚାର୍ଯ୍ୟ, ତପସ୍ୱିନୀ ଆଚାର୍ଯ୍ୟ, ପଦ୍ମାରାଣୀ ବେହୁରା ଓ ସାଥୀଙ୍କ ସ୍ୱାଗତ ସଂଗୀତ ପରେ ଅନୁଷ୍ଠାନର ଦିବଙ୍ଗତ କର୍ମକର୍ତ୍ତାଙ୍କ ବିୟୋଗରେ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା । ଏହି କାର୍ଯ୍ୟକ୍ରମ ଅବସରରେ ସମାଜରେ ଉଲ୍ଲେଖନୀୟ ଅବଦାନ ଯଥା ସ୍ୱାସ୍ଥ୍ୟ, ଶିକ୍ଷା, ସଂଗଠକ, ସମାଜସେବା, ଶିଳ୍ପ, ଜାତି ପ୍ରତି ପ୍ରତିବଦ୍ଧତା ରଖିଥିବା ଓ ରାଜ୍ୟର ବିଭନ୍ନ ଜିଲ୍ଲାରୁ ଆସିଥିବା ସଭାପତି ସମ୍ପାଦକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ମଧ୍ୟାହ୍ନ ଭୋଜନ ପରେ ସାଂଗଠନିକ ତଥା ବିଭିନ୍ନ ଜିଲ୍ଲାରୁ ଆସିଥିବା ପ୍ରତିନିଧି ମାନଙ୍କ ସହ ଆଲୋଚନା ଓ ଧ୍ଵଜା ଅବତରଣ କରାଯାଇ ସମ୍ମିଳନୀ ସମାପ୍ତ କରାଯାଇଥିଲା ଶେଷରେ ସଭାପତିତ୍ୱ କରୁଥିବା ଉପସଭାପତି ଶ୍ରୀ ନାୟକ ଧନ୍ୟବାଦ ଅର୍ପଣ କରିଥିଲେ । ଅନ୍ୟ ମାନଙ୍କ ମଧ୍ୟରେ ଅକ୍ଷୟ ଦାସ ଓ ଆରତୀ ଚୌଧୁରୀ ସହ ସଂଯୋଜକ ଦାୟିତ୍ଵ ତୁଲାଇଥିଲା ବେଳେ ସର୍ବଶ୍ରୀ ବିଭୂତି ଭୂଷଣ ବିଶ୍ୱାଳ, ଜଗନ୍ନାଥ ରାଉତ, ସୁବ୍ରତ ମଲ୍ଲିକ, ଉଗ୍ରସେନ ବିଶ୍ୱାଳ, ଗଙ୍ଗାଧର ନାୟକ, କାର୍ତ୍ତିକ ଚନ୍ଦ୍ର ଖଣ୍ଡୁଆଳ, ଜଟାଧାରୀ ମାଝୀ, ନାରାୟଣ ସାମଲ, ସନ୍ତୋଷ ପ୍ରଧାନ, ରବିନ୍ଦ୍ର ପ୍ରଧାନ, ରାଧାଶ୍ୟାମ ପରିଡ଼ା, କିଶୋର ନାୟକ, ମୀନତି ବିଶ୍ୱାଳ, ସୁଦର୍ଶନ ସାମଲ , ରାଜେନ୍ଦ୍ର ନାୟକ, ପ୍ରିୟା ଧଳ, ହରିହର ରାଉତରାୟ, ଅବନୀ କୁମାର ବଳ, ଶମ୍ଭୁନାଥ ପରିଡା, ଚନ୍ଦ୍ରପ୍ରଭା ବିଶୋଇ, ପ୍ରତିମା ରାଉତ, ତପସ୍ୱିନୀ ନାୟକ, ନମିତା ରାଉତ, ରୀତା ସାମଲ, ପ୍ରତିମା ରାଉତ, ଉର୍ମିଳା ରାଉତ, ସାଗରିକା ଭୁଜବଳ, ଉମା ନାୟକ, ସ୍ୱପ୍ନାରାଣୀ ଭଞ୍ଜଦେଓ, ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।