ନୂଆଦିଲ୍ଲୀ : ଗତ ବର୍ଷ ଯେତେବେଳେ ଜାମ୍ମୁ କାଶ୍ମୀରର ସ୍ସ୍ୱତନ୍ତ୍ର ମାନ୍ୟତା ଭାରତ ସମାପ୍ତ କଲା, ସେତେବେଳେ ଚୀନ୍ର ଦୃଢ଼ ଆପତ୍ତି ଥିଲା । କିନ୍ତୁ ପାକିସ୍ତାନ ଗିଲଗିଟ-ବାଲ୍ଟିସ୍ତାନକୁ ‘ଅସ୍ଥାୟୀ ପ୍ରାଦେଶିକ ମାନ୍ୟତା’ ଦେଇଛି, ଏପର୍ୟ୍ୟନ୍ତ ଏହାକୁ ବିରୋଧ କରିନାହିଁ । ଇଂରାଜୀ ଖବରକାଗଜ ଦି ହିନ୍ଦୁ ଏହା ଉପରେ ଏକ ବିସ୍ତୃତ ରିପୋର୍ଟ ପ୍ରକାଶ କରିଛି ।
ଖବରକାଗଜ ଲେଖିଛି ଯେ, ଚୀନ୍ର ପ୍ରତିକ୍ରିୟା ଭାରତ ଅପେକ୍ଷା ପାକିସ୍ତାନର ସମ୍ପୂର୍ଣ୍ଣ ବିପରୀତ । ଚୀନ୍ର ବ ବୈଦେଶିକ ମନ୍ତ୍ରଣାଳୟ ବୁଧବାର କହିଛି ଯେ, ସେମାନେ ଏହି ରିପୋର୍ଟ ଦେଖିଛନ୍ତି ଏବଂ କାଶ୍ମୀର ଉପରେ ଚୀନ୍ର ଆଭିମୁଖ୍ୟରେ କୌଣସି ପରିବର୍ତ୍ତନ ନାହିଁ ଏବଂ ଏହା ସମ୍ପୂର୍ଣ୍ଣ ସ୍ପଷ୍ଟ ହୋଇଛି ।
ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ୱାଙ୍ଗ ୱେନବିନ ବୁଧବାର କହିଛନ୍ତି ଯେ, ଭାରତ ଏବଂ ପାକିସ୍ତାନ ମଧ୍ୟରେ କାଶ୍ମୀର ପ୍ରସଙ୍ଗ ଐତିହାସିକ । ଜାତିସଂଘର ଚାର୍ଟର୍ ଅନୁଯାୟୀ ଏହାର ସମାଧାନ ଶାନ୍ତିପୂର୍ଣ୍ଣ ହେବା ଉଚିତ୍ । ଏହା ଏକ ଦ୍ୱିପାକ୍ଷିକ ପ୍ରସଙ୍ଗ ଏବଂ ଏହାର ସମାଧାନ ହେବା ଉଚିତ୍ ।