ଭାରତର ୫ ରାଜ୍ୟରେ କରୋନା ସଂକ୍ରମଣର ‌ସ୍ଥିତି ବିପଦରେ : ସ୍ୱାସ୍ଥ୍ୟ ମନ୍ତ୍ରଣାଳୟର ଚେତାବନୀ

ନୂଆଦି‌ଲ୍ଲୀ : ୟୁରୋପୀୟ ଦେଶମାନଙ୍କରେ କରୋନା ଭାଇରସ୍ ପୁଣି ଥରେ ବିପଦ ସୃଷ୍ଟି କରିଛି । ୟୁରୋପର ଦେଶମାନଙ୍କରେ ହଠାତ୍ କରୋନା ମାମଲାରେ ବୃଦ୍ଧି ଘଟିଛି । କିଛି ସମୟ ପାଇଁ ଚୁପ୍ ରହିଥିଲା, ଅଥଚ ପୁଣି ଏବେ ମୁଣ୍ଡ ଟେକିଛି । ଏ ବିଷୟରେ ସୂଚନା ଦେଇ ନୀତି ଆୟୋଗର ସଦସ୍ୟ ଡା. ଭି.କେ. ପାଲ କହିଛନ୍ତି ଯେ ୟୁରୋପର ଅନେକ ଦେଶରେ ଏହି ମହାମାରୀ ଅତି ଦ୍ରୁତ ଗତିରେ ବଢ଼ିବାରେ ଲାଗିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଚେତାବନୀ ଦେଇଛି ଯେ, ପର୍ବ ଋତୁରେ ଅବହେଳା ଯୋଗୁଁ ଭାରତର କେତେକ ରାଜ୍ୟରେ କରୋନା ସଂକ୍ରମଣର ଆଶଙ୍କା ମଧ୍ୟ ବଢ଼ିବାରେ ଲାଗିଛି ।

ସ୍ୱାସ୍ଥ୍ୟ ସଚିବ ରାଜେଶ ଭୂଷଣ କହିଛନ୍ତି ଯେ, ଗତ ୨୪ ଘଣ୍ଟା ମଧ୍ୟରେ କେବଳ କେରଳ, ପଶ୍ଚିମବଙ୍ଗ, ମହାରାଷ୍ଟ୍ର, କର୍ଣ୍ଣାଟକ ଏବଂ ଦିଲ୍ଲୀରୁ ୪୯.୪ ପ୍ରତିଶତ କରୋନା ମାମଲା ରୁଜୁ ହୋଇଛି । ଉତ୍ସବର ଋତୁ ମଧ୍ୟ ଏହାର ଏକ ବଡ଼ କାରଣ ହୋଇପାରେ । ଏହା ଅତ୍ୟନ୍ତ ଚିନ୍ତାର ବିଷୟ ଏବଂ ଆମେ ଏହି ରାଜ୍ୟଗୁଡ଼ିକର ସରକାରମାନଙ୍କ ସହିତ ନିରନ୍ତର କଥାବାର୍ତ୍ତା କରୁଛୁ । ସେ କହିଛନ୍ତି ଯେ, କୋଭିଡ -୧୯ର ମୋଟ ସକ୍ରିୟ ମାମଲାର ୭୮ ପ୍ରତିଶତ ଦେଶର ୧୦ଟି ରାଜ୍ୟ ତଥା ୟୁନିଅନ ଅଞ୍ଚଳରେ ଅଛି ।

ଗତ ୨୪ ଘଣ୍ଟା ମଧ୍ୟରେ ପାଞ୍ଚଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ କୋଭିଡ -୧୯ରୁ ୫୮ ପ୍ରତିଶତ ମୃତ୍ୟୁ ଘଟିଛି । ଏଥି ମଧ୍ୟରେ ମହାରାଷ୍ଟ୍ର, ପଶ୍ଚିମବଙ୍ଗ, ଦିଲ୍ଲୀ, ଛତିଶଗଡ ଏବଂ କର୍ଣ୍ଣାଟକ ରହିଛି । ପ୍ରକାଶ ଥାଉ କି, ଗତ ପାଂଚ ସପ୍ତାହ ଧରି ଭାରତରେ କୋଭିଡ -୧୯ର ମୃତ୍ୟୁର ଗ୍ରାଫ ତଳକୁ ଖସି ଆସିଛି ।

Leave A Reply

Your email address will not be published.

19 + two =