ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ବ୍ଲକ ଅନ୍ତର୍ଗତ ଜମଲା ପଞ୍ଚାୟତର କୁଦୋପାଲି ଗ୍ରାମର ରାଧାକୃଷ୍ଣ ମନ୍ଦିର ବତ୍ତର୍ମାନ ଭାଙ୍ଗିବା ଅବସ୍ଥାରେ ରହିଛି । ଏହି ମନ୍ଦିର ୧୮୭୮ ମସିହା ଜୁନ ମାସରେ ପ୍ରତିଷ୍ଠା ହୋଇଥିଲା । ଏହି ମନ୍ଦିର ଏକ ପୁରାତନ ଆର୍ଦଶ ମନ୍ଦିର ରୂପେ ଏ ଅଞ୍ଚଳରେ ଆଧ୍ୟାତ୍ମିକ ଓ ଧାର୍ମିକ ଅନୁଷ୍ଠାନ ରୂପେ ସୁପରିଚିତ । ମନ୍ଦିର ଉପରେ ବୃକ୍ଷଲତା ବାହାରି ପଡିଛି । ମନ୍ଦିର ଟି ଭାଙ୍ଗିବା ଅବସ୍ଥାରେ ରହିଛି । ଏହାର ପୁନ ରୁଦ୍ଧାର ନିମନ୍ତେ ସରକାରଙ୍କର ଦୃଷ୍ଟି ଦେଇ ଏହି ମନ୍ଦିରର ମରାମତି ନିମନ୍ତେ ସହାୟତା ପ୍ରଦାନ କରିବା ପାଇଁ ଗ୍ରାମବାସୀ ସରକାରଙ୍କୁ ଅନୁରୋଧ କରିଛନ୍ତି । ଏହି ମନ୍ଦିର ର ମରାମତି କଲେ, ଅଞ୍ଚଳର ଐତିହ ପରମ୍ପରା ବଜାୟ ରହିବା ସଙ୍ଗେ ସଙ୍ଗେ ଧାର୍ମିକ ଭାବନା ଜାଗ୍ରତ ହେବ । ଏଣୁ ସରକାରଙ୍କ ପର୍ୟ୍ୟଟନ ଓ ସଂସ୍କୃତି ବିଭାଗ ପକ୍ଷରୁ ଆବଶ୍ୟକ ପଦକ୍ଷେପ ନିମନ୍ତେ ସର୍ବ ସାଧାରଣ ପକ୍ଷରୁ ଦାବୀ ହେଉଛି ।