ପ୍ରଧାନମନ୍ତ୍ରୀ ମୋଦୀଙ୍କୁ ହାଇକୋର୍ଟଙ୍କ ଆବେଦନ : ରାଲିରେ ଭିଡ଼ ହ୍ରାସ କରନ୍ତୁ, ନିର୍ବାଚନ ସ୍ଥଗିତ ରଖିବାକୁ ବିଚାର କରନ୍ତୁ
ପ୍ରୟାଗରାଜ : ଦେଶରେ କରୋନା ଭୂତାଣୁ ସଂକ୍ରମଣର ନୂତନ ଭାରିଆଂଟ ଓମିକ୍ରନ୍ର ଆଶଙ୍କା ଆହୁରି ଗଭୀର ହେବାରେ ଲାଗିଛି । ଏଭଳି ପରିସ୍ଥିତିରେ ଆସନ୍ତା ବର୍ଷ ଉତ୍ତରପ୍ରଦେଶ ସମେତ ପାଞ୍ଚଟି ରାଜ୍ୟରେ ମଧ୍ୟ ନିର୍ବାଚନ ଅନୁଷ୍ଠିତ ହେବ ଏବଂ ନିର୍ବାଚନ ରାଲିରେ ଭିଡ଼ ଜମିବାରେ ଲାଗିଛି । ଏହି ପରିପ୍ରେକ୍ଷୀରେ ବର୍ତ୍ତମାନ ଆହ୍ଲାବାଦ ହାଇକୋର୍ଟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ନିର୍ବାଚନ ଆୟୋଗଙ୍କୁ ନିର୍ବାଚନ ରାଲିରେ ଭିଡ଼ ହ୍ରାସ କରିବାକୁ ଏବଂ ନିର୍ବାଚନକୁ ସ୍ଥଗିତ ରଖିବାକୁ ବିଚାର କରିବାକୁ ଅନୁରୋଧ କରିଛନ୍ତି । ରାଜ୍ୟରେ ନିର୍ବାଚନ ରାଲି ଏବଂ ବୈଠକ ବନ୍ଦ କରିବା ପାଇଁ ପ୍ରଧାନମନ୍ତ୍ରୀ ଏବଂ ନିର୍ବାଚନ କମିଶନ୍ର କଠୋର ପଦକ୍ଷେପ ଗ୍ରହଣ କରିବା ଉଚିତ ବୋଲି ହାଇକୋର୍ଟ କହିଛନ୍ତି ।