ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ମାଲିଶିରା ପଂଚାୟତ ମାଳିଶିରା ଗ୍ରାମରେ ଚାଲିଥିବା ୨ୟ ଦିବସୀୟ କ୍ରିକେଟ ମ୍ୟାଚରେ ମାଲପଡ଼ାକୁ ୧୦ ରନରେ ହରାଇ ମାଲିଶିରା ଫାଇନାଲରେ ଚମ୍ପିୟାନ ଆଖ୍ୟା ଅର୍ଜନ କରିଛି । ମାଲିଶିରା ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୩ ଓଭରରେ ୩ ୱିକେଟ ହରାଇ ୩୯ ରନ୍ କରିଥିଲେ । ଅପର ପକ୍ଷରେ ମାଲପଡ଼ା ଦଳ ୩ ୱିକେଟ ବିନିମୟରେ ମାତ୍ର ୩୦ ରନ୍ କରି ପାରିଥିଲା ଓ ଫାଇନାଲରେ ହାରି ଯାଇଥିଲା । ଏହି ମ୍ୟାଚରେ ଚିଙ୍ଗେର ମୁଣ୍ଡା, ବିଟାବନ୍ଧ, ସର୍ଦାପୁର, ମାଲପଡ଼ା, କନ୍ଧାଖାଲ, ମାଲିଶିରା, ପେଣ୍ଡେରାପଦର, ଜଗୁଆ ଏହି ୮ଟି ଦଳ ଅଂଶଗ୍ରହଣ କରିଥିବା ବେଳେ ମାଲିଶିରା ଓ ପେଣ୍ଡେରାପଦର ମଧ୍ୟରେ ସେମିଫାଇନାଲ ଖେଳାଯାଇଥିଲା । ଯାହା ମାଲିଶିରା ଦଳ ପେଣ୍ଡେରାପଦର ଦଳକୁ ହରାଇ ଫାଇନାଲକୁ ପ୍ରବେଶ କରିଥିବାବେଳେ ଅନ୍ୟ ପକ୍ଷରେ ମାଲପଡ଼ା ଦଳ ସେମିଫାଇନାଲରେ ବିଟାବନ୍ଧ ଦଳକୁ ହରାଇ ଫାଇନାଲରେ ପ୍ରବେଶ କରିଥିଲା । ଆଜି ଫାଇନାଲ ମୁକାବିଲାରେ ମାଲିଶିରା ସହିତ ମାଲପଡ଼ା ଥିବା ବେଳେ ଦଳ ଅତିରିକ୍ତ ୧୦ ରନରେ ଫାଇନାଲ ହାରିଯାଇଥିଲା । ଏହି ମ୍ୟାଚକୁ ଦେଖିବା ପାଇଁ ଆଖ ପାଖରେ ଥିବା ଗାଁର ସମସ୍ତ ଭଦ୍ରବ୍ୟକ୍ତି ତଥା କୁନି କୁନି ପିଲାମାନେ ଉପସ୍ଥିତ ଥିବା ବେଳେ ମାଲିଶିରାର ସମସ୍ତ ଜନସାଧାରଣ ଉପସ୍ଥିତ ହୋଇ ସମସ୍ତ ଦଳକୁ ଉତ୍ସାହିତ କରିଥିଲେ ।