ବାସନ୍ତୀ ପାଠାଗାରର ମାସିକ ସାହିତ୍ୟ ଆସର

ରାଉରକେଲା, (ସସ୍ମିତା ପ୍ରଧାନ) : ସହରର ଅଗ୍ରଣୀ ସାହିତ୍ୟ ଅନୁଷ୍ଠାନ ବାସନ୍ତୀ ପାଠାଗାର ତରଫରୁ ମାସିକ ସାହିତ୍ୟ ଆସର ପାଠାଗାର ପରିସରରେ ଅନୁଷ୍ଠିତ ହୋଇଯାଇଛି । ସଭାପତି ପ୍ରସନ୍ନ କୁମାର ସାବତଙ୍କ ସଭାପତିତ୍ୱ ଓ ସମ୍ପାଦକ ବିକ୍ରମ ଚନ୍ଦ୍ର ଆଚାର୍ଯ୍ୟଙ୍କ ସଂଯୋଜନାରେ ଆୟୋଜିତ ଏହି ଆସରରେ ଉତ୍କଳ କଳାକାର ଏକାଡେମୀର ସଭାପତି ଦିପ୍ତୀ ବିଶ୍ୱାଳ ମୁଖ୍ୟ ଅତିଥି ଓ ସୁନିଲ କୁମାର ମହାନ୍ତି ଆଲୋଚକ ଭାବେ ଯୋଗଦେଇ ଆଜିର ଶିଶୁ ଏକ ଅନୁଚିନ୍ତା ସମ୍ପର୍କରେ ଆଲୋଚନା କରିଥିଲେ । ଆଲୋଚକ ଶ୍ରୀ ମହାନ୍ତି ଶିଶୁର କ୍ରମବିକାଶ, ବୌଦ୍ଧିକ, ଆବେଗିକ ବିକାଶ, ଶିଶୁର ସାମାଜିକ, ସାଂସ୍କୃତିକ ଓ ଶିକ୍ଷା ସହ ଶିଶୁର ମନକଥା ବୁଝିବା, ମତାମତକୁ ଗୁରୁତ୍ଵ ସହ ଶିଶୁ ମାନଙ୍କ ପାଇଁ ସମୟ ବାହାର କରିବାକୁ ଗୁରୁତ୍ୱାରୋପ କରିଥିଲେ । ଗାଳ୍ପିକ ଉପେନ୍ଦ୍ର କୁମାର ବସ୍ତିଆ ନର୍କପୁରୀରୁ ସ୍ୱାମୀର ଚିଠି ଶୀର୍ଷକ ଗଳ୍ପପାଠ କରିଥିଲେ । ପ୍ରାରମ୍ଭରେ ସଭାପତି ଶ୍ରୀ ସାବତ ସଭାପତିତ୍ୱ ଅଭିଭାଷଣ ଓ ସମ୍ପାଦକ ଶ୍ରୀ ଆଚାର୍ଯ୍ୟ କାର୍ଯ୍ୟକ୍ରମର ଆଭିମୁଖ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ । ମୁଖ୍ୟଅତିଥି ଶ୍ରୀମତୀ ବିଶ୍ୱାଳ ଅନୁଷ୍ଠାନର କାର୍ଯ୍ୟକ୍ରମକୁ ପ୍ରଶଂସା କରିବା ସହ ଏହା ଅନ୍ୟମାନଙ୍କ ପାଇଁ ପ୍ରେରଣା ଦେଇଆସୁଛି ବୋଲି କହିଥିଲେ । ଦ୍ୱିତୀୟ ପର୍ଯ୍ୟାୟରେ କବି କୁଞ୍ଜବିହାରୀ ରାଉତ ଓ ନିରୁପମା ନାୟକଙ୍କ ସଂଯୋଜନାରେ କବି ଦିପ୍ତୀ ମହାନ୍ତି, ସବିତା ପରିଡ଼ା, ସୁଶାନ୍ତ କୁମାର ନାୟକ, ରଞ୍ଜିତା ପାଣିଗ୍ରାହୀ, ବଳରାମ ଦାଶ, ଦେବେନ୍ଦ୍ର କୁମାର ବଳ, ପଣ୍ଡିତ ଅଜୟ ପାଣି, ତାରିଣୀ ଚରଣ ସାହୁ ପ୍ରମୁଖ କବିତା ପାଠ କରିଥିଲେ । ଅନ୍ୟମାନଙ୍କ ମଧ୍ୟରେ କରୁଣାକର ପାଟ୍ଟଶାଣୀ, ସୂର୍ଯ୍ୟ ନାରାୟଣ ପଣ୍ଡା, ବିଭୁଦତ୍ତ ବେହେରା, ପ୍ରିୟା ପାତ୍ର, ଅଜୟ ମହାନ୍ତି, ଡ଼ଃ ଶକ୍ତି ପ୍ରସାଦ ସାମନ୍ତରାୟ, ଏମ୍ ରାଜେନ୍ଦ୍ରୀ ପାତ୍ର, ସଂଗ୍ରାମ ପ୍ରିୟ ତନ୍ତୀ, କମଳା ଆଚାର୍ଯ୍ୟ, ଶରତ କୁମାର ସ୍ୱାଇଁ, ବିଶ୍ୱନାଥ ପାଢ଼ୀ, ବିଜୟ ସୁନ୍ଦରାୟ, ଶ୍ରୀକାନ୍ତ ପାଣିଗ୍ରାହୀ, ଶରତ ରାଉତ, ବିମଳ କୁମାର ଗାହାଣ, ଦିବାକର ଦାସ, ସମୀକ୍ଷା ପାତ୍ର, ପ୍ରଦୀପ କୁମାର ସାହୁ, ବସନ୍ତ ମହାରଣା, ସୁକଦେବ ସାହୁ ପ୍ରମୁଖ ଉପସ୍ଥିତ ଥିଲେ । ଶେଷରେ ସମ୍ପାଦକ ଶ୍ରୀ ଆଚାର୍ଯ୍ୟ ଧନ୍ୟବାଦ ଅର୍ପଣ କରିଥିଲେ ।