ରାଉରକେଲା, (ସସ୍ମିତା ପ୍ରଧାନ) : ଆଜି ବିର୍ସାମୁଣ୍ଡା ହକି ଷ୍ଟାଡିୟମ୍ ଗେଟ୍ ନଂ ୬ ପାଖ ସ୍ଥିତ ବସ୍ତିରେ ଦ ହ୍ୟୁମାନିଟି ଫାଉଣ୍ଡେସନ ତରଫରୁ କିଛି ବସ୍ତ୍ର ପ୍ରଦାନ କରାଯାଇଛି । ଉକ୍ତ ବସ୍ତିର ବିଭିନ୍ନ ସୁବିଧା ଅସୁବିଧା ବିଷୟରେ ଆଲୋଚନା କରଯାଇଥିଲା । ପ୍ରାୟ ୧୦୦ରୁ ଅଧିକ ସଂଖ୍ୟାରେ ଛୋଟ ପିଲା ଓ ଲୋକମାନେ ଥିଲେ । ସେମାନଙ୍କୁ ବିଭିନ୍ନ ପ୍ରକାରର ବସ୍ତ୍ର ପ୍ରଦାନ କରାଯାଇଥିଲା । ଉକ୍ତ କାର୍ଯ୍ୟକ୍ରମ ଟି ଫାଉଣ୍ଡେସନର ପ୍ରେସିଡେଣ୍ଟ ତଥା ସମାଜ ସେବୀ ଦୀପ୍ତି ସୁନ୍ଦରାୟ ପରିଚାଳନା କରିଥିଲେ । ଏହି କାର୍ଯ୍ୟକ୍ରମଟି ଦ ହ୍ୟୁମାନିଟି ଫାଉଣ୍ଡେସନର ସଦସ୍ୟ, ଗ୍ରେସୀ ଡେଭିଡ, ଲିନା ତ୍ରିପାଠୀ, ପ୍ରିୟଙ୍କା ପାଣି, ଲିନା ବିଶ୍ଵାଳ, କମଳିନୀ ମହାପାତ୍ର, ତାରା କୃଷ୍ଣମୂର୍ତ୍ତି, ରୁନୁ ରାଉତ, ସୁଷମା ସିଂ ରାଜପୁତ, ସ୍ନିଗ୍ଧା ପୁହାଣ, ବିଭୁ ପଟ୍ଟନାୟକ ଓ ବିଜୟ ସୁନ୍ଦରାୟଙ୍କ ସାହଯ୍ୟରେ ସଫଳ ହୋଇଥିଲା ।