ଧର୍ମଗଡ଼, (ଭରତ ବିଶି) : ପ୍ରବାସୀ ଶ୍ରମିକଙ୍କୁ ନେଇ ଯାଉଥିବା ବସ୍ ଦୁର୍ଘଟଣାଗ୍ରସ୍ତ ହୋଇଛି। କଳାହାଣ୍ଡି ଜିଲ୍ଲା କୋକସରା ଥାନା ବଡକେନ୍ଦୁଗୁଡ଼ା ନିକଟରେ ବସ୍ ଓଲଟି ପଡ଼ିଛି । ଭାରସାମ୍ୟ ହରାଇ ଗୁପ୍ତା ନାମକ ବସ୍ ଓଲଟି ପଡ଼ିଥିବା ବେଳେ ୧୦ରୁ ଅଧିକ ଆହତ ହୋଇଛନ୍ତି । ଛତିଶଗଡ଼ର ଦେଓଭୋଗରୁ ହାଇଦ୍ରାବାଦକୁ ଶ୍ରମିକମାନଙ୍କୁ ନେଇ ଯାଉଥିବା ବେଳେ ବସ୍ଟି ଭାରସାମ୍ୟ ହରାଇ କେନ୍ଦୁଗୁଡ଼ା ନିକଟରେ ଓଲଟି ପଡ଼ିଥିଲା ।
ଓଲଟି ପଡ଼ିଥିବା ଗୁପ୍ତା ନାମକ ବସ୍ରେ ୪୫ରୁ ଅଧିକ ଯାତ୍ରୀ ଥିବାବେଳେ ୧୦ରୁ ଅଧିକ ଆହତ ହୋଇଥିବା ସୂଚନାରେ କୁହାଯାଇଛି । ବସ୍ ଡ୍ରାଇଭରଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି । ଗୁରୁତର ଆହତଙ୍କୁ ଧର୍ମଗଡ଼ ଓ କୋକସରା ମେଡିକାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରେ ଏକାଧିକ ମହିଳା ଓ ଶିଶୁ ଥିବା ସୂଚନା ମିଳିଛି ।
