ଗଞ୍ଜାମ : ଚୋରା ପିଡିଏସ୍ ଚାଉଳ, ଗହମ ଜବତ କରିଛି ପୋଲିସ୍ । ସୂଚନା ଅନୁସାରେ ଗଞ୍ଜାମ ଜିଲ୍ଲାର ତାରାସିଂ ଥାନା ଗାୟାଗଣ୍ଡା ଗାଁର ଜଣେ ବ୍ୟକ୍ତିଙ୍କ ଗୋଦାମ ଘରେ ତାରାସିଂ ପୁଲିସ ଚଢ଼ାଉ କରି ଗଛିତ ଥିବା ପିଡ଼ିଏସ ସାମଗ୍ରୀ ୨୦ କ୍ୱିଂଟାଲ ଚାଉଲ, ୨ କ୍ୱିଂଟାଲ ଗହମ ଜବତ କରିଛି । ଜବତ ପିଡିଏସ ସାମଗ୍ରୀର ଆନୁମାନିକ ମୂଲ୍ୟ ୬୦ ହଜାର ଟଙ୍କା ହେବ ବୋଲି ଆକଳନ କରାଯାଇଛି । ଏହି ମାମଳାରେ ଗିରଫ ଅଭିଯୁକ୍ତ ଦ୍ବୟ ହେଲେ ଦୁଇ ଭାଇ ଏ.ସନ୍ତୋଷ କୁମାର ପାତ୍ର ଓ ବାଉରୀ ପାତ୍ର । କମ୍ ମୂଲ୍ୟରେ ଲୋକଙ୍କଠାରୁ ପିଡ଼ିଏସ ସାମଗ୍ରୀ କିଣି ଏହାକୁ ପୁଣି ଥରେ ଅଧିକ ଟଙ୍କାରେ ବିକ୍ରି କରାଯାଉଥିଲା ବୋଲି ଅଭିଯୋଗ ହୋଇଛି ।