ମୋହନା : ପିକ୍ଅପ୍ ଧକ୍କାରେ ଶିଶୁକନ୍ୟା ମୃତ । ଏଭଳି ଘଟଣା ଘଟିଛି ଗଜପତି ଜିଲ୍ଲା ଅଡ଼ବା ଥାନା ଗଣ୍ଡାଗୁଡ଼ା ଗାଁରେ । ମୃତକ ହେଲେ ସେହି ଗାଁର ଲୁସିଆନ ନାୟକଙ୍କ ଝିଅ ଦୀପ୍ତି ନାୟକ । ଶିଶୁ କନ୍ୟାର ମୃତ୍ୟୁ ପରେ ଉତ୍ତେଜିତ ଗାଁ ଲୋକେ ପିକ୍ଅପ୍ ଗାଡ଼ିର ଡ୍ରାଇଭରକୁ ମାଡ଼ ମାରିଥିଲେ । ଖବର ପାଇ ଅଡ଼ବା ଥାନା ପୋଲିସ ଗଣ୍ଡାଗୁଡା ଗାଁରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ତଦନ୍ତ କରୁଛି । ସୂଚନା ଅନୁସାରେ ମୋହନା ଅଞ୍ଚଳର ଜଣେ ବ୍ୟକ୍ତି ଏକ ପିକ୍ଅପ୍ ଭ୍ୟାନ୍ରେ କିଛି ପରିବା ସହ କିଛି ଜିନିଷ ବିକ୍ରି ପାଇଁ ଗଣ୍ଡାଗୁଡ଼ା ଗାଁକୁ ଯାଉଥିଲେ । ଏହି ସମୟରେ ଶିଶୁ କନ୍ୟାକୁ ଧକ୍କା ଦେଇଥିଲା ପିକ୍ଅପ୍ ଭ୍ୟାନ୍ । ଫଳରେ ଘଟଣାସ୍ଥଳରେ ଶିଶୁ କନ୍ୟା ଦୀପ୍ତିର ମୃତ୍ୟୁ ଘଟିଥିବା ଜଣାପଡିଛି ।