ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକ ଜଗଦଲପୁରଠାରେ ଆଜି ଜଗଦଲପୁର ଅଞ୍ଚଳ ପ୍ରତିଭା ସମ୍ମାନ ସମିତି ଆନୁକୂଲ୍ୟରେ ସ୍ଥାନୀୟ ଜଗଦଲପୁର ରେସିଡେଣ୍ଟସିଆଲ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଦ୍ୱିତୀୟ ପ୍ରତିଭା ସମ୍ମାନ ସମାରୋହ ଅନୁଷ୍ଠିତ ହୋଇଯାଇଛି । ଏହି ଅବସରରେ ଝାରବନ୍ଧ ବ୍ଲକର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଜୟ କୁମାର ସାହୁ ମୁଖ୍ୟ ଅତିଥି, ଅଧ୍ୟକ୍ଷ ରାଜକିଶୋର ପଟେଲ ସଭାପତିତ୍ଵ କରିଥିଲେ । ଜଗଦଲପୁର ଅଞ୍ଚଳ ପ୍ରତିଭା ସମ୍ମାନ ସମିତିର ସଂଯୋଜକ ଅଧ୍ୟାପକ ଦିବ୍ୟ କିଶୋର ପଣ୍ଡା ଅତିଥି ପରିଚୟ ପ୍ରଦାନ କରିଥିଲେ । ଏହି ଅବସରେ ଭୁବନେଶ୍ଵର ପ୍ରଧାନ, ଉପେନ୍ଦ୍ର ପଟେଲ, ସାଧୁଚରଣ ବରିହା, ତୁରମନ ଅଗ୍ରୱାଲ, ହରିଶ୍ଚନ୍ଦ୍ର ପଟେଲ, ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ । ଏହି କାର୍ଯ୍ୟକ୍ରମରେ ଝାରବନ୍ଧ ବ୍ଲକରେ ଦଶମ ଶ୍ରେଣୀରେ ସର୍ବୋଚ୍ଚ ନମ୍ବର ରଖିଥିବା ଅମଠି ଉଚ୍ଚ ବିଦ୍ୟାଳୟର ଛାତ୍ର ନିରୋଜ ଜଗତ ଓ ଯୁକ୍ତ ଦୁଇ ଜଗଦଲପୁର ରେସିଡେ଼ନ୍ସିଆଲ୍ କଲେଜର ଛାତ୍ରୀ ଶୀତଳ ରାଉତିଆଙ୍କୁ ସମ୍ମାନିତ କରାଯାଇଥିଲା । କୃଷ୍ଣଚନ୍ଦ୍ର ପଟେଲ, ମନୋଜ ସାହୁ, ତାପସି ସିଂହ, ଗିରିଶ ବେରିଆ, କିଶୋର ବରିହା, କ୍ରିଷ୍ଣା ପଟେଲ, ଦେବେନ୍ଦ୍ର ପ୍ରଧାନ, ଛାୟାସୁଦୟା ପ୍ରଧାନ, ଅକ୍ଷୟ ପଟେଲ, ରଞ୍ଜନ ଭୋଇ, ହେମସାଗର ପଟେଲ, ଚୈତନ୍ୟ ପଟେଲ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ଥିଲେ । ପରିଶେଷରେ ସାଧୁଚରଣ ବରିହା ଧନ୍ୟବାଦ ଅର୍ପଣ କରିଥିଲେ ।