ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହର ମଧ୍ୟରେ ଥିବା ଜେଏସଏମ ଯୁକ୍ତ ଦୁଇ ଓ ଯୁକ୍ତ ୩ ପ୍ରଥମ ବର୍ଷର ଛାତ୍ରଛାତ୍ରୀ ମାନଙ୍କୁ ସ୍ୱାଗତ ସମ୍ମର୍ଦ୍ଧନା ପର୍ବ ଆରମ୍ଭ ହୋଇଯାଇଛି । ତେବେ ୨୦୨୦-୨୧ ଚଳିତ ବର୍ଷ ପାଇଁ ନୂତନ ଭାବେ ଏଡ଼ମିଶନ ନେଇଥିବା ଛାତ୍ରଛାତ୍ରୀଙ୍କୁ ଉତ୍ସାହିତ କରିବା ତଥା ସେମାନଙ୍କ ଉଜ୍ଵଲ ଭବିଷ୍ୟତ କାମନା କରିବା ପାଇଁ ଗତ ୩୦ ତାରିଖରେ ଫେସର ଦିବସ ପାଳିତ ହୋଇଥିଲା । ଏହି ଅବସରରେ ପ୍ରମେୟର ଡ଼ିଜିଏମ ଅଖିଳ ଚନ୍ଦ୍ର ହୋତା ମୁଖ୍ୟବକ୍କ୍ତା ଭାବେ ଯୋଗ ଦେଇଥିବା ବେଳେ ମୁଖ୍ୟ ଅତିଥି ଭାବେ ଶ୍ରୀମତୀ ପ୍ରାଚୀ ପ୍ରିୟଦର୍ଶିନୀ ପଣ୍ଡା ଚାନ୍ଦ ଯୋଗ ଦେଇଥିଲେ । ଜେଏସଏମ କଲେଜର ଡ଼ାଇରେକ୍ଟର ଶ୍ରୀକାନ୍ତ ଶର୍ମା, ମେଣ୍ଟର ପୀତବାସ ପଣ୍ଡା, ଏଚଓଡ଼ି ଚେତନା ଅଗ୍ରୱାଲ, ଜେଏସଏମ ବାଣିଜ୍ୟ କଲେଜର ଅଧକ୍ଷ ମିହିର କୁମାର ପଟ୍ଟନାୟକଙ୍କ ସହ କଲେଜର ସମସ୍ତ ଅଧ୍ୟାପକ ଅଧ୍ୟାପିକା ଉପସ୍ଥିତ ଥିଲେ । ସୂଚନା ଅନୁସାରେ ଏହି ଶିକ୍ଷାନୁଷ୍ଠାନ ୨୦୧୬ରୁ ଆରମ୍ଭ ହୋଇଥିବା ବେଳେ ପ୍ରତିବର୍ଷ ଏହି ମହାବିଦ୍ୟାଳୟରେ ଶତାଧିକ ଛାତ୍ରଛାତ୍ରୀ ଉତ୍ତୀର୍ଣ ହୋଇ ନିଜର ଭବିଷ୍ୟତ ପାଇଁ ଯୋଜନା ପ୍ରସ୍ତୁତ କରିଥାନ୍ତି; ଯାହା ଆଗାମୀ ଦିନଗୁଡ଼ିକରେ ମଧ୍ୟ ଚଳିତ ବର୍ଷର ଛାତ୍ରଛାତ୍ରୀଙ୍କ ପ୍ରେରଣାର ଉତ୍ତ୍ସ ସାଜିବା ପାଇଁ ଆଜିର ଏହି ଫ୍ରେସର ଦିବସ ପାଳିତ ହୋଇଯାଇଛି । ଏହି ଅବସରରେ ମିଷ୍ଟର ଫ୍ରେସର ଭାବେ ଅଙ୍କିତ ଶର୍ମା, ମିସ ଫ୍ରେସର ଭାବେ ପ୍ରିୟଙ୍କା ଗର୍ଗ ଓ ଯୁକ୍ତ ୩ରେ ୟଶ ଅଗ୍ରୱାଲ ଏବଂ ଛାତ୍ରୀ ମାନଙ୍କ ମଧ୍ୟ୍ୟରୁ ଅଞ୍ଜଳିଙ୍କୁ ସମ୍ମାନିତ କରାଯାଇଥିଲା।