ମାଲକାନଗରି : ମହାରାଷ୍ଟ୍ର ଗଡଚିରୋଲି ପୋଲିସ ହାତରେ ୩ ଜଣ ହାର୍ଡକୋର ମାଓବାଦୀ ଧରାପଡିଛନ୍ତି । ଗିରଫ ତିନି ଜଣ ମାଓବାଦୀ ହେଲେ ରମେଶ ସୟାବି ପାଲ୍ଲୋ, ରେନୁ ନାରୋଟେ ଓ ଶସି ସମରୁ ପୁଙ୍ଗାଟି । ଛତିଶଗଡ ମହାରାଷ୍ଟ୍ର ସୀମାନ୍ତ କୋୟାର ଜଙ୍ଗଲରେ ସିଆର୍ପିଏଫ୍ ଓ ସି-୬୦ ବାହିନୀ ପକ୍ଷରୁ ମିଳିତ କମ୍ବିଂ ଅପରେସନ ଚାଲିଥିଲା । ଏହି ସମୟରେ ମାଓବାଦୀ ସହ ଯବାନ ମାନେ ମୁହାଁ ମୁହିଁ ହୋଇଥିଲେ । ଦୁଇ ଘଣ୍ଟାରୁ ଅଧିକ ସମୟ ଧରି ଗୁଳି ବିନିମୟ ହେବା ପରେ ଯବାନଙ୍କ ହାତରେ ରମେଶ ସୟାବି ପାଲ୍ଲୋ, ରେନୁ ନାରୋଟେ ଓ ଶସି ସମରୁ ପୁଙ୍ଗାଟି ଧରାପଡିଥିଲେ । ଏମାନଙ୍କ ଉପରେ ପୂର୍ବରୁ ମହାରାଷ୍ଟ୍ର ସରକାର ୧୦ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ । ତେଲେଙ୍ଗାନା, ଛତିଶଗଡ ଓ ମହାରାଷ୍ଟ୍ରର ଅନେକ ହିଂସା କାଣ୍ଡରେ ଏମାନେ ଜଡିତ ଥିବା ଗଡଚିରୋଲି ଏସ୍ପି କହିଛନ୍ତି ।